 - Copy 1.jpg)
کابل یشاوچی‌لری و مدنی فعال‌لریدن بیرقطاری، بلخ ولایتی‌ده 209 شاهین قول اردوده یوز بیرگن قانلی هجوم اوچون بوگون توشدن آلدین، کابل‌ده ناراضیلیک نمایش یولگه قویگن‌لر.
اوشبو اعتراضچی‌لر، یوز بیرگن هجومنی قاره‌لب، مدافعه و ایچکی ایشلر وزیرلر، خوفسیزلیک عمومی باشلیغ‌لری و ملی خوفسیزلیک کینگشی باشلیغی چیکلنتیریلیش‌لرینی طلب قیلگن‌لر.
اولر، «ارگ ارگ، مرگ مرگ»، «عدالت عدالت، استعفا استعفا»، «غنی عبدالله، استعفا اسعتفا» دیب شعارلر بیریب، مملکت یشاوچیلری‌نینگ خوفسیزلیگی تأمین‌لنیشی خصوصیده، ملی بیرلیک حکومت باشلیغ‌لرینی کوچسیزلیک‌که عیب‌لب و شونینگ‌دیک، جمهور رییس بیلن اجراییه باشلیغی‌دن استعفا بیریشلرینی سوره‌گن‌لر.
اوشبو اعتراضچی‌لردن بیری حمید سالنگی‌نینگ ایتیشیچه، دولت‌دن اوروش و قان توکیش ایمس، بلکیم عدالت و تینچلیک ایسته‌یدی.
.jpg)
ناراضیلیک نمایش‌گه اشتراک ایتگن اعتراضچی‌لردن باشقه بیری احمد سعیدی‌نینگ ایتیشیچه، بو ایشلری بیلن حکومت باشلیغ‌لریدن بیرگن آوازلرینی قیتریب آلیش‌لرینی کورسته‌دی. جناب سعیدی‌گه کوره، حکومت تشکیلاتی‌ده دوام ایتیب کیله‌یاتگن کوچسیزلیک‌لر و دسیسه‌لرده هر کون گناه‌سیز کیشی‌لر و امنیتی کوچلر قربان بوله‌دیلر.
اوشبو ناراضیلیک نمایش اداغیده، اعتراضچی‌لر بیر قطعنامه صادر ایتیب، ملی بیرلیک حکومت باشلیغ‌لری استعفا بیریشی و امنیتی مسؤول‌لر چیکلنتیریلیشی‌گه قوشیمچه، دولتی اداره‌لرده افغانستان دوشمن‌لریگه طرفدار آدم‌لر قولگه آلینیب و حبس‌ده بولگن عصیانچیلر دارگه تارتیلیشی‌نی سوره‌گن‌لر.
عین حالده، اوشبو ناراضیلیک نمایش‌لر یولگه قوییلگن بیرچاغده، مدافعه وزیری عبدالله حبیبی و حربی کوچلر باش قومندانی قدم‌شاه شهیم وظیفه‌لریدن چیکلندی و شونینگ‌دیک، بلخ ولایتی‌ده 209 شاهین قول اردو قومندانی جنرال مومند کتوازی، احتیاط دوری‌گه سوق بیریلدی.
