افغانستان ساغلیقنی سقلش وزیرلیگی نینگ اعلان قیلیشیچه، اوتگن 24 ساعت جریانیده کرونا ویروس گه شبههلی بیر مینگ و 557 کیشی دن آلینگن نمونه سیناویده 761 تهسی نینگ نتیجهسی مثبت تشخیص قیلینگن.
بوگون «دوشنبه، 26- جوزا» کرونا ویروس گه چلینگنلرنینگ کوندهلیک رقمی نشر قیلینیش چاغیده ساغلیقنی سقلش وزیرلیگی نینگ مالی و اداری اورین باسری شفیقالله شهیم نینگ ایتیشیچه، اوتگن 24 ساعت جریانیده رویخط گه آلینگن ینگی واقعهلر شامل مملکت ده کرونا ویروس گه چلینگنلرنینگ سانی 25 مینگ 527 کیشی گه ییتیشگن.
اوتگن بیر کیچه-کوندوز ده رویخط گه آلینگن ینگی واقعهلردن 237 تهسی کابل ده، 113 تهسی قندوز ده، 103 تهسی لوگر ده، 93 تهسی تخار ده، 37 تهسی پروان ده، 30 تهسی میدانوردک ده، 25 تهسی قندهار ده، 22 تهسی ننگرهار ده، 16 تهسی پنجشیر ده، 15 تهسی بامیان ده، 15 تهسی پکتیا ده، 14 تهسی بغلان ده، 12 تهسی ارزگان ده، 11 تهسی بدخشان ده، 10 تهسی دایکندی ده، 4 تهسی نورستان ده و 4 تهسی کنر ده رویخط گه آلینگن.
شفیقالله شهیم گه کوره، اوتگن بیر کیچه-کوندوز ده کرونا کسللریدن 7 تهسی جان بیرگن و باشقه 365 تهسی نینگ قیته ساغهیگنی معلوم قیلینگن.
ساغلیقنی سقلش وزیرلیگی تامانیدن بیریلگن معلومات اساسیده، حاضرگهقدر مملکت ده کرونا کسللریدن 5 مینگ و 90 تهسی قیته ساغهیگن و باشقه 478 تهسی جان بیرگن.
شونینگدیک، دنیا ده حاضرگهقدر 7 میلیون و 995 مینگ دن آرتیق کیشی کرونا ویروس گه چلینگن و بو جمله دن 435 مینگ دن آرتیق کیشی جان بیرگن و باشقه 4 میلیون و 128 مینگ دن آرتیق کیشی قیته ساغهیگن.
