بلخ ولایتیده حربی بیر قرارگاه اوستیگه طالبلر تامانیدن اویوشتیریلگن هجوم قربانلری 50 دن آشگن.
جمعه کون توش اطرافیده بلخ ولایتینینگ دهدادی تومنیده جایلشگن 209 شاهین قول اردو اوستیگه طالبلر هجوم قیلگن. امیریکه مرکزی قومندانلیگی سوزلاوچیسی جان توماسگه کوره، اوشبو هجومده 50 کیشی هلاک ایتیلگن.
گزارشلر اساسیده، بیرینچیدن پارتلاوچی ماده دن توله بولگن بیر موتر پارتلهگن و اوندن کیین، هجومچیلر قرارگاه گه کیرگن.
ایتیلیشیچه، بو هجوم جمعه نمازی پیتیده یوز بیرگن و حربی کوچلردن کوپینچهسی نماز اوستیده ایکنلر.
قوراللی طالبلر اوشبو هجوم مسؤولیتینی بوینیگه آلگنلر.
اوشبو واقعه افغانستان رسمیلری و تشقی کوچلرنینگ عکسالعمللریگه روپهره بولدی. جمهورلیک سرایی بیر خبرنامه ترقهتیب 209 شاهین قول اردو اوستیگه اویوشتیریلگن هجومنی قارهلهگن و اونی اسلام اصوللری و انسانی ارزشلرگه قرشی دیگن.
شونینگدیک، اجراییه باشلیغی عبدالله عبدالله، طالبلرنینگ بو هجومینی قارهلب ایتیشیچه، جنایتچی طالبلر، رذالتلیک بیلن قول اردو مسجدیگه کیریب نماز اوستیده تورگن حربی کوچلرنی اوققه توتگنلر.
عین حالده، بلخ حاکمی عطا محمد نور، مملکت شمالیده ناتینچلیکلردن خواطر بیلدیریب و عصیانچیلرگه قرشی حربی عملیات یولگه قوییلمهگن صورتده، ناتینچلیکلر کوپهییشینی ایتگن.
شونینگدیک، افغانستان بوییچه ناتو و امیریکه کوچلری قومندانی جان نیکولسوننینگ ایتیشیچه، اوشبو قیرغینلی هجوم طالبلرنینگ وحشیلیگینی کورستهدی.
