بلخده حربی مرکزده اویوشتیریلگن هجومنینگ قربانی 50 کیشیگه ییتدی.
قوراللی طالبلر اوتگن کون توشدن کیین بلخ ولایتی نینگ دهدادی تومنیده جایلشگن شاهین 209- قول اوردسیگه هجوم قیلگن ایدی. امریکا مرکزی قوماندانلیگی نینگ سوزلاووچیسی جان توماس، هجومده 50 کیشی قربان بولگن لیگینی ایتدی.
گزارشلرده دستلب پارتلاوچی مادهگه تولدیریلگن موتر قرارگاه نینگ کیریش ایشیگیده پارتله تیلیب سونگ هجومچیلر ایچکریگه کیریب آلگنی ایتیلهدی.
هجوم، ملی کوچلرنینگ کته قسمی جمعه نمازی بیلن بند بولگن بیر پیتده اویوشتیریلگن. واقعه مسوولیتینی قوراللی طالبلر تامانی ذمهسیگه آلدی.
حادثه افغان رسمیلری همده خلق ارا کوچلر کیسکین ماموریت قوماندانی نینگ جدی عکس صداسیگه روپه ره بولدی. جمهور رییس لیک سرایی بیر خبرنامه ترقهتیب، هجوم اسلام همده انسانیت قدریتلریگه ضد بیر عمل دیگن.
شونینگدیک حکومت نینگ اجراییه ریاستی باشلیغی عبدالله عبدالله، بلخ ولایتی نینگ والیسی عطا محمد نور و خلق ارا کیسکین ماموریت نینگ باش قوماندانی جنرال نیکولسونلرهم واقعهنی جدی قاره لهگنلر.
