.JPG)
هلمند ولایتی نینگ بیر قنچه خاتین – قیزلری ولایت‌ده‌گی حاکم سنتی عرف و عادتلردن اوستون حرکت قیلیب، عیاللر حقینی حمایت قیلیش مقصدیده مدنی حرکت باشله‌گنلر.
شهناز فایض، هلمند ولایتیده‌گی بیرینچی فعال عیال اوله‌راق خاتین – قیزلرنینگ حق و حقوقیدن آرقه‌داشلیک بیلدیریب مدنی فعالیتلر قیلیش‌گه اولگورگن.
ولایت نینگ خاتین – قیزلر نماینده‌سی صفتیده سلام‌وطندارگه صحبت بیرگن خانم شهناز فایض، فعال عیاللرنی صفی کوچله‌نیشی اوچون اویمه – اوی یوریب بو قتلم حقوقینی حمایت قیلیش مقصدیده بیر قول بولیشلرینی سوره‌شنی تیلگه آلگن. اونینگ تعبیریچه، هنوزگچه 100 خاتین بو عدالت خواه‌لیک حرکت‌گه قوشیلگن.
خانم فایض، هلمند ولایتیده خاتین – قیزلرگه قرشی زوروانلیک حاللری جوده کوپ دیدی.
هلمند مدنی جماعه چیلیک اداره‌سی نینگ باشلیغی سردار محمد همدرد، افغانستان اساسی قانونی‌گه موافق مملکت نینگ بوتون خلقی اوز حق حقوقیدن فایده‌له‌نیشی اوچون دادخواهلیک قیلیش حقوقیگه ایگه لیگینی تیلگه آلگن. او، خاتین – قیزلرنی فعالیتی ساحه‌سیده جمعیت‌ده کوپراق عدالت اینیقیسه عیاللرنی شهروندلیک حقوقیگه ایریشش ممگن دیگن.
هلمند ولایتی نینگ امنینی بلند مرتبه‌لی رسمیلری، مذکور ولایت‌ده عیاللرنینگ حق و حقوقی تامین قیلیش‌دن علاوه بو قتلم نینگ خوفسیزلیگی تامین بولیشی اوچون جدی سعی و حرکت ایتیش‌دن ایشانچ بیرگنلر.
هلمند ولایتی والیسی نینگ سوزلاوچیسی عمر زواک، ولایت نینگ محلی بلند مرتبه‌لی رسمیلری خاتین – قیزلرنی مدنی حرکتلرینی دستلکب، اولرنینگ اساسی ایستکلر عملی بولیش اوچون همکارلر دیگن.
مذکور ولایت نینگ قطار تومنلر قوراللی طالبلر تامانیدن جدی تهدیدگه روپه ره بولیب تورگن بیر پئت‌ده، ولایت نینگ خاتین قیزلری حق و حقوقلر آیاغ آستی بولمسلیگی اوچون مدنی حرکتلر آرقه‌لی فعالیت قیلیش‌گه جسارت قیلگنلر.
