.jpg)
قندوز ولایتی نینگ امنیتی اداره‌لر مسووللری، قوراللی طالبلرگه وفادار اوچ ایناغه امنیتی پوسته‌لرگه هجوم قیلیش نیتده تونل قازیش چاغیده قولگه آلینگنی باره‌سیده خبر بیردیلر. بولر ولایت نینگ امام صاحب تومنیده حبس‌گه آلینگن.
قندوز ولایتی نینگ امام صاحب تومنیده‌گی ملی اردو اوچینچی کندکی بیرینچی لواسی نینگ هماهنگلیک آمری بشیراحمد فدایی، بولر اوتگن کون تومن نینگ اسماعیل خان قیشلاغیده حبس‌گه آلینگن دیگن. بو شخصلر 150 و 70 متر اوزنلیکده بولگن ایکّی تونل‌نی قازیب پولیس حربی پوسته‌سی‌گه یقین‌لشگن بیر پیت اوشلنگن دیدی رسمیلر.
اونینگ تعبیریچه، بو کیشیلر طالبان‌گه وفادار جنگریلر بولگن. بولر بیر هفته دن بیری بیر اوی ایچیدن پولیس پوسته‌سی تامان تونل قازیب بارگنلر.
امام صاحب تومنی نینگ حاکمی امان‌الدین قریشی خبرنی تصدیقلب، قوراللی طالبلر بو قبیل تونللرنی قازیشدن علاوه تومنده حربی پوسته‌لر ایجاد قیلگن دیدی. ایتیلیشیچه، طالبلر کونده 10 -30 متر ملی کوچلر حربی پوسته‌سی تامان آلغه کیله‌دی.
قوراللی طالبلرگه وفادار جنگریلر اوتگن ییل هم دشت‌ارچی تومنی نینگ پل مومن منطقه‌سیده بیر تونل قازیش بیلن چمه‌سی اون حربی عسکرنی اولدیرگن ایدی.
