قندوز ولایتی معارف ادارهسی رسمیلرینینگ ایتیشیچه، هر کون اونلرچه اوقووچی، ناتینچلیک خواطرلری سبب، قندوز مکتبلریدن سه پارچه آلهدیلر.
اوشبو ولایتنینگ معارف ادارهسی رسمیلری، ناتینچلیک کینگهیگنی و سلبی تبلیغلر سبب، کوپینچه عایلهلر بو شهرنی ترک ایتیب و بالهلرینی اوقیشلریگه دوام بیریش اوچون باشقه ولایتلرگه انتقال بیرهدیلر دیدی.
ولایت معارف ادارهسی رسمیلرینینگ ایتیشیچه، اوتگن ییلدن بویان، 3 مینگ اوقووچی، بو ولایتدن باشقه ولایتلرگه سه پارچه قیلگنلر.
قندوز ولایتی معارف ادارهسینینگ باشلیغی رستم خان احمدینینگ سلاموطندارگه ایتیشیچه، کوکلم موسمیده ولایت اهالیسینینگ ایچیده قندوز شهریده امنیت بوزیلگنلیگی توغریسیده تاپیلگن میش میشلر سبب معارف ادارهسینینگ چمهسی 60 فایز اوقووچیلری باشقه ولایتلر مکتبلریگه تبدیل قیلیش اوچون معارف ادارهسیگه مراجعه قیلهدیلر دیدی.
قندوز ولایت معارف ادارهسینینگ باشلیغی بو رقم ایسه کون سایین آشیب بارماقده دیدی. اوتگن ییلدن بیری 3 مینگ اوقووچی باشقه ولایتنینگ مکتبلریگه تبدیل قیلیش اوچون اسناد آلگنلیکلرینی ایتهدی.
فرزندلرینی باشقه ولایتلرنینگ مکتبلریگه تبدیل قیلیش مقصدیده قندوز معارف ادارهسیگه مراجعه قیلگن خانهدانلر، ولایتدهگی نا برقرارلیک همده قندوز شهری قیتهدن جنگریلر قولیگه اوتیشیدن خواطرگه توشیب، ولایتنینگ ترک قیلیشگه اولگورگن لیکلرینی ایتهدیلر.
عین حالده، قندوز ولایتی امنیه قوماندانی ولایت قوراللی طالبلر کنترولیگه اوتمسلیگی اوچون افغان ملی کوچلری دییرلی جهازلنگن لیکلرینی تیلگه آلگن. قندوز پولیس ادارهسینینگ باشلیغی جنرال عبدالحمید حمیدی، ولایتده اوتگن ییلدن کوره امنیت یخشیلهنیشی اوچون، باشقه امنیتی ادارهلر بیلن اویغونلیکده ایش کوریشلری خصوصیده علحیده تاکید ایتگن.
قندوز ولایتی معارف ادارهسی رسمیلرینینگ بیرگن معلوماتلری اساسیده، 3 یوز و 30 مینگ اوقووچی 504 مکتبده درس بیلن شغللهنیشلری قید ایتیلگن. بولرنینگ 120 مینگ اوقووچیسینی قیز طلبلهلر تشکیل ایتیشی معلوماتده قید ایتیلگن.
