افغانستان کریکت تیمی ینه ایرلندن اوتدی

افغانستان ملی کریکت تیمی تورت کونللیک اوچره‌شووده ایرلند ملی تیمینی 172 تفاوت بیلن اورته‌دن کوتاردی. افغانستان تیمی اینتر کانیتیننتل جامیده 81 امتیاز آلیش بیلن بیرینچی مقام نی آلدی.

اوییننی دستلب افغانستان کریکت تیمی باشلب یوبارگن. افغانستان تیمی 8 اویینچینی قولدن بیریش بیلن 537 یوگیریش حریف تیمگه مقصد تعیین قیلگن.

ایرلند ایسه افغانستان تامانیدن تعیین بولگن هدفنی قولگه کیریته آلمه‌دی. بو تیم بوتون اویینچیلرینی قولدن بیریش بیلن 261 یوگریش‌گه موفق بولگن.

ایکینچی مرته هم توپ اوریش نی باشله‌گن ایرلند تیمی ینه هم تعیین قیلینگن هدف‌گه ایریشله آلمه‌گن. نهایتده افغانستان ملی کریکت تیمی اویینی قولگه آلیش بیلن مسابقه‌نی یوتگن.

افغانستان چین و بیرلشگن عرب امیرلیگی بیلن اوتکزه‌جک مسابقه‌نی یوتگن حالده، دنیا کریکت کینگشی نینگ دایمی اعضالیگینی کسب ایته‌دی.