امیریکهلیک تانیقلی بوکسچی محمدعلی کلی، بوگون (شنبه) ایرته لب، نفس تنگلیک سبب 74 یاشیده حیاتدن کوز یومدی.
جناب کلی میلادی 1942- ییل 17- جنوری، امیریکهنینگ کنتاکیده دنیاگه کیلگن. او، 12 یاشرلیکدن بوکسچیلیکنی باشلهدی و میلادی 1964ییل دنیا بوکس قهرمانلیگینی آلدی.
رینگده ییللر بوییچه تکرارسیز کورهشیب و کوپینچه مداللر قولگه کیریتگنیدن کیین، اوندن بیر تانیقلی قهرمان توزهلدی. میلادی 1979- ییل 27- جونده، کورهشدن قول تارتیشینی اعلان قیلیب و بوکس دنیاسیدن خداحافظلیک قیلدی. او، سپورت نامهسیده، 56 یوتوق، 5 مغلوبیت و 37 فنی ضربهنی رویخط گه بیرگن.
بیراق، جناب کلی سپورتدن تشقری، مدنی و اجتماعی حرکتلرده تانیقلی سیما حساب بولردی. مارتین لوترکینگ رهبرلیگیده قاره تنلیلر مدنی جنبشیدن حمایت قیلیشی، ویتنام اوروشیگه قرشیلیگی و دینی تشکیلاتلر اینیقسه امیریکه مسلمانلردن حمایت قیلیشی، کلینینگ مدنی فعالیتلرینی بیر بولیمی سنلهدی.
محمدعلی، 1982- ییل پارکینسون کسلیگه چالیندی و نیچه ییل بو کسللیک بیلن کورهشدی. بیراق، اوتگن کون نفس تنگلیک کسللیگی باعث، آریزونا کسلخانهسیده یاتقیزیلدی و نتیجهده بوگون ایرتهلب حیاتدن کوز یومدی.
