افغانستان سپورتچیلری اندونیزیا ده دوام ایتهدیگن آسیا المپیک اویینلری نینگ 18- دوری نی 9- کونیده تورلی بولیملرده رقیبلرینینگ برابریده میدان گه چیقدیلر؛ بیراق هیچ بیر مدال گه ایگه بولمهدیلر.
بوگون افغانستان سپورتچیلری کاراته و جوجیتسو بولیمیده رقیبلرینینگ برابریده چیقیب، بیراق مغلوب بولدیلر. افغانستان تیملرینینگ بوگونگی اویینلری یولگه قوییلیشی بیلن حاضرگه قدر 13 بولیم ده رقیبلری بیلن رقابت قیلگنلر.
بو دور رقابتلریگه یالغیز خالد هوتک 65 کیلوگرام وزن بیلن وشو بولیمیده برنز مدالی قولگه کیریتدی. راگبی، جودو و کورش بولیملرینینگ سپورتچیلری کیلهسی کونلرده رقیبلری بیلن رقابت قیلیشی ممکن.
بوگون جوجیتسو بولیمیده جواد اندیشمن و عبدالحمید مهردل 85 و 77 کیلوگرام وزن بیلن عربستانلیک و اماراتلیک رقیبلرینینگ برابریده مغلوب بولیب و رقابت لردن حذف بولدیلر.
کاراته بولیمیده لطیفه عزیزی بیرینیچی ده ایرانی و سونگ اندونیزیالیک رقیبلری برابریده مغلوب بولدی و مذکور اویین نی باشقه بیر اویینچیسی تیمور شرقی، رقیبی برابریده غالب چیقدی؛ بیراق سریلانکالیک رقیبی برابریده مغلوب بولدی.
کاراته بولیمینینگ باشقه سپورتچیلری مصطفی رضایی، منیب الرحمان و شفیقه ماهگل رقیبلرینینگ برابریده مغلوب بولدی.
افغانستان سپورتچیلری باشقه بولیملرده هم حاضرگچه مدال قولگه کیلتیرمهگن.
ایتیلیشیچه، افغانستان 16 تورلی بولیم ده 80 سپورتچی بیلن آسیا المپیک اویینلرینی 18 – دوری ده شرکت قیلگن ایدی. بو رقابتلرده 45 مملکت قتنهشیب و مدال اساسیده چین بیرینچی اورین ده قرار تاپگن.
مذکور رقابتلرنینگ یکونلنیش احتفالی، سپتامبر آیی نینگ 2- کونیده یولگه قویلیشی ممکن.
