.jpg)
افغانستاننی 15 یاشردن قویی فوتبال ملی تیمی، آسیا مرکزینینگ 15 یاشردن قویی قهرمانلیک بیلشوولرینی ایکینچی اویینیده قرغزستاننی 3-1 نتیجه بیلن مغلوب ایتدی.
اوشبو تیم «جمعه کون» اوچینچی اویینیده ترکمنستاننی مقابلیگه چیقهدی و بو بیلشوو ساعت 5:30 عصرده یولگه قوییلهدی.
مملکت نینگ 15 یاشردن قویی ملی تیمی بیرینچی اویینیده تاجیکستاننی هم 3-1 نتیجهسی بیلن مغلوب ایتگن ایدی.
باشقه بیر تاماندن کابلده سپورت خبرچیلرینینگ خلق ارا کونی نشانلندی. کابلده افغانستان فوتبال فدراسیونی سپورت خبرچیلرینینگ آرهسیده فوتسال دوستلیک بیلشوونی یولگه قوییب سپورت خبرچیلرینینگ خلق ارا کونینی نشانلهدی.
.jpg)
فوتبال فدراسیونینینگ میدیا بولیمی مسؤولی سیدعلی کاظمی، مملکتده سپورت رواجلنیشی خصوصیده سپورت خبرچیلرینینگ رولینی اونملی بیلیب و اولردن سپورت واقعهلرینی کوپراق پرداز بیریشلرینی سورهگن.
شونینگدیک، سپورت خبرچیلرینینگ ملی فدراسیونی باشلیغی سایر زلاند، مملکتده سپورت رواجلنیشی خصوصیده سپورت خبرچیلرینینگ رولینی اونملی بیلیب و سپورت واقعهلری رواجلنیشی خصوصیده، بو خبرچیلرنینگ سعی و حرکتیدن تقدیرلهدی.
جناب زلاندنینگ ایتیشیچه، مملکتده سپورت خبرچیلری تورلی قیینچیلیکلرگه روپهره بولهدیلر و میدیالردن بو توغریده دقت قیلیشینی طلب قیلگن.
اوشبو برنامه اداغیده فوتبال فدراسیونی تامانیدن سپورت خبرچیلری و اشتراکچیلرگه ساورین ترقهتیلدی.
ایتیش کیرهک میلادی 1924 ییل المپیک اویینلریده بیرینچی مرته 2- جولای سپورت خبرچیلرینینگ خلق ارا کونی صفتیده تعیین ایتیلدی و هر ییل بو کوندن دنیا بویلب نشانلنهدی و افغانستان 2014 ییلدن بویان سپورت خبرچیلرینینگ دنیا فدراسیونینینگ فعال اعضالیگینی کسب ایتگن و حاضرگهقدر اوشبو فدراسیونده اونلرچه سپورت خبرچیسی رویخطگه آلینگن.
