برقی کیم‌لیک ترقه‌تیش اداره رسمی‌لری‌نینگ ایتیشیچه، قویاش 1395- ییل، برقی کیم‌لیک ترقه‌تیلیشی باشله‌نیشی خصوصیده، حکومت تامانیدن تصدیق‌لنگن اوشبو اداره‌نینگ عملیاتی دستوری اساسیده، برقی کیم‌لیک‌نی عملی شکلده ترقه‌تیش لایحه‌سی 90 کوندن کیین باشلنه‌دی.
بوگون «چهارشنبه» کابل‌ده خبر بیر ییغینده نطق سوزله‌گن برقی کیم‌لیک ترقه‌تیش اداره عمومی باشلیغی همایون محتاط‌نینگ ایتیشیچه، 90 کوندن کیین، باشکینت‌ده برقی کیم‌لیک ترقه‌تیش لایحه‌سی سیناو شکلده باشله‌نیشی ممکن.
جناب محتاط‌گه کوره، برینچی‌دن باشکینت بویلب اوشبو لایحه‌ده رویخط‌گه آلینگن 500 مینگ یشاوچی و دولتی ایشلاوچی‌لرگه برقی کیم‌لیک‌لر ترقه‌تیله‌دی.
برقی کیم‌لیک ترقه‌تیش اداره عمومی باشلیغی‌نینگ کوپه‌یتیریشیچه، باشکینت‌ده برقی کیم‌لیک سیناو شکلده ترقه‌تیلیشی اوچون 30 ایش گروهی تشکیل ایتیلگن و هر بیر گروه‌ده 13 کیشی بو لایحه‌نی اثباتلی و سیار شکلده آلغه آلیب باره‌دی.
برقی کیم‌لیک ترقه‌تیش اداره‌نینگ ایشلاوچی‌لری تنله‌نیشی خصوصیده، جناب محتاط‌نینگ ایتیشیچه، شفافیت ایجاد ایتیلیشی اوچون بو لایحه اداری اصلاحات مستقل اداره‌سیگه تاپشیریلگن، شنبه کون 12- حمل، بو اداره بست‌لرینی اعلان قیله‌دی.
برقی کیم‌لیک ترقه‌تیش اداره عمومی باشلیغی‌نینگ کوپه‌یتیریشیچه، مذکور اداره ایشلاوچی‌لرینی تنلش‌ده، اوشبو بولیم‌ده تعلیم کورگن سابق ایشلاوچی‌لرگه اولویت بیریله‌دی.
همایون محتاط‌نینگ ایتیشیچه، برقی کیم‌لیک‌ده 36 بیلگی بایگانی‌ده و کیم‌لیک یوزیگه کیشی‌نی تانیش اوچون 8 مورد معلومات نظرگه آلینگن.
برقی کیم‌لیک ترقه‌تیش اداره عمومی باشلیغی‌نینگ ایتیشیچه، مذکور اداره‌نینگ ایش لایحه‌سی اساسیده، برقی کیم‌لیک‌ده یاش فرقی و برچه املایی اصلاحات نظرده توتیله‌دی.
عین حالده، نماینده‌لر کینگشی اعضاسی نعمت‌الله غفاری‌نینگ سلام‌وطندارگه ایتیشیچه، جمعیت‌نی رویخط‌گه آلیش قانونی‌نینگ 6- ماده‌سی‌گه اوزگریش کیریتیش فرمان نماینده‌لر کینگشی تامانیدن تصدیق‌لنمه‌گن صورتده، برقی کیم‌لیک‌نی ترقه‌تیش ناقانونی دیر.
برقی کیم‌لیک ترقه‌تیش اداره مسؤول‌لری‌نینگ ایتیشیچه، اوشبو اداره‌نینگ ولایت‌لرده‌گی ایشلاوچی‌لری، اوشه ولایت‌دن تعیین ایتیله‌دی.
برقی کیم‌لیک ترقه‌تیش اداره معلوماتی‌گه کوره، جمعیت‌نی رویخط‌گه آلیش برچه کتاب‌لرنی برقی قیلیش ایشی دوام ایتماقده.
مملکت‌ده برقی کیم‌لیک ترقه‌تیش لایحه، جنجل‌لی مسئله‌لردن بولیب و هردایم ترقه‌تیلیشی‌گه قرشی تورلی موضوع‌لر تاپیلگن و حاضرگه‌قدر، یشاوچی‌لر و اداره‌لردن بیرقطاری، جمعیت‌نی رویخط‌گه آلیش قانونی‌نینگ 6- ماده‌سی‌گه اوزگرتیریش کیریتیلیشی‌دن راضی ایمس دیر.
