.jpg)
افغانستان قیشلاقلرنی رواجلنتیریش وزیرلیگی 650 میلیون 400 مینگ افغانی بهاسی بولگن یول قوریش 12 لایحهگه نیچه خصوصی شرکت بیلن قول قویدی.
لایحهنینگ 11تهسی یول و کوپریک قوریش و بیر پروژه ایسه مکتب قوریشدن عبارت دیر.
وزیرلیک نینگ مسووللری، شرطنامه اساسیده32.5 کیلو متر یول اسفالت، 5.8 کیلومتر یول تیگیسلنیب تاش توکیلهدی . 226 متر کوپریک قوریلیشی نظرده توتیلگن دیدیلر. مذکور لایحهلر بغلان، لوگر، پروان، سرپل، ارزگان، خوست، سمنگان، غور و نورستان ولایتلریده تطبیق ایتیلهدی.
.JPG)
قیشلاقلرنی رواجلنتیریش وزیری نصراحمد درانی، شرطنامهگه قول قویگن شرکتلردن مذکور لایحهنی کیلیشوو اساسیده زمانوی همده تعیین ایتیلگن وقتده تکمیل قیلیب بیریشلرینی طلب قیلگن.
جناب درانیگه کوره، قیشلاق و یول قوریش ملی برنامهسی آرقهلی جاری ییلده 7.5 کیلومتر یول و 1691 متر کوپریک قوریش انابتگه آلگن. شونینگدیک مملکت بویلب 400 کیلومتر یول سقلهنیشی هم نظرده توتیلگن دیگن جناب درانی.
قیشلاقلرنی رواجلنیتریش وزیرلیگی نینگ مسووللری، لایحهنینگ بودجهسی وزیرلیک نینگ ترقیات بودجهسیدن تولهنیلهدی دیگنلر. بو لایحهلر عملگه آشیریلیشی بیلن اهالیگه هم ایش زمینهسی یرهتیلهدی.
