پاکستاننینگ لاهور شهری و سند ایالتیده پارتلش هجوم یوز بیرگنیدن کیین، اوشبو مملکت، افغانستان بیلن بولگن برچه قوشمه چیگرهلرینی توسدی و چیگرهنینگ ایکی تامانیده قالگنلر، کوپینچه قیینچیلیککه روپهره بولگن. دیورند چیگرهسینینگ ایکی تامانیده قالگنلرنینگ ایتیشیچه، چیگرهلر یاپیلیشی اولرگه کوپلب مالی زیان ییتکیزگن.
سلاموطندار بیلن صحبت اوتکزگن لندی کوتل ترانسپورتی بیرلشمه مسؤولی شاکر آفریدینینگ ایتیشیچه، چیگرهلر یاپیلیشیده، پاکستانلیکلر کوپلب زیان کورگنلر. اونینگ ایتیشیچه، اوشبو چیگرهدن افغانستانگه صادر ایتیلهدیگن برچه سوداگرلیک تورلر، چیگره یاپیلگنی سبب، موترلرده بوزیلگن.
لندی کوتل منطقهسیده بیر آیدن بویان یول آچیلیشینی کوتگن قطار هیداوچیلر هم کوپینچه قیینچیلیککه روپهره بولگنلر.
یوک تاشیووچی موتر هیداوچیسی توفانخاننینگ ایتیشیچه، موترلر بیر آیدن بویان توختهتیلگن. اوشبو هیداوچیگه کوره، چیگره یاپیلگنی نتیجهسیده برچه هیداوچیلر ایشدن قالیشلریگه قوشیمچه، موترلردهگی سوداگرلیک تورلر هم بوزیلگن.
تورخم و چمن چیگرهلری پاکستان حکومتی آرقهلی یاپیلگنیدن کمیده بیر آی اوتهدی و شونچه مدتده یالغیز تورخم چیگرهسی ایکی کون ویزه و حجتی بولگن افغانستانلیکلرنینگ یوزیگه آچیلدی.
شو حاضر، سوداگرلیک تورلرگه قوشیمچه، مینگلرچه افغانستانلیک، چیگرهنی ایکی تامانیده یول آچیلیشینی کوتهدیلر.
