مملکت باش قارهلاوچیلیک رسمیلرینینگ ایتیشیچه، قویاش 1395- ییلده 34 مینگدن آرتیق جنایی قضیه تیکشیریلگن.
«دوشنبه» کون کابلده دولتی ادارهلر و وزیرلیکلرنینگ سوزلاوچیلری بیلن قوشمه خبری ییغین اوتکزگن باش قارهلاوچیلیک سوزلاوچیسی جمشید رسولینینگ ایتیشیچه، مذکور قضیهلر آرهسیدن 12811 قضیه دعوا، حجت و شاهد اساسیده تیکشیریلیب یکونلنگن، 9492 قضیه دستلبکی محکمهدن اوتکزیلگن، 11264 قضیه تیکشیروودن کیین سونگی قرارگه ییتیشگن و باشقه 1314 قضیه ییترلیچه حجت و شاهد یوقلیگی سبب تیکشیریلماقده.
جناب رسولینینگ کوپهیتیریشیچه، بو ییل باش قارهلاوچیلیک ادارهسی، توپلم شکلده 42637 قضیهنی تیکشیرگن و بو جملهدن 34284 قضیه 1395- ییلگه و باشقه 8353 قضیه 1394- ییلگه تیگیشلی بولهدی.
باش قارهلاوچیلیک سوزلاوچیسیگه کوره، باشقه 25777 قضیه تیکشیریلماقده و کیلهجک ییلگچه یکونلنیشی ممکن.
عین حالده، عدلیه وزیرلیگی سوزلاوچیسی امان ریاضت، ایچکی امنیتگه قرشی جرملرگه محکوم و عیبلنگن بالهلر میزانی آشگنیدن خبر بیرهدی.
جناب ریاضتگه کوره، مذکور بالهلرنینگ رقمی 166 کیشیگه ییتیشهدی و جنایتلری ایسه، اوغیرلیک، قتل و ملی خوفسیزلیککه قرشی فعالیت دیر.
