.jpg)
هلمند امنیتی رسمی‌لری، مذکور ولایت‌ده طالب‌لرنینگ قماقخانه‌سیدن 32 محبوس قوییب یوباریلگنی‌دن خبر بیرگن.
215 میوند قول اردو سوزلاوچیسی محمدرسول زازی‌نینگ ایتیشیچه، «یکشنبه‌دن دوشنبه‌گه اوتر کیچه» مذکور ولایت‌نینگ نادعلی تومنی چاه‌میرزا منطقه‌سیده خاص امنیتی کوچلر عملیات یولگه قویگن و نتیجه‌ده طالب‌لرنینگ قماقخانه‌سیدن 32 محبوس قوییب یوباریلگن.
جناب زازی‌گه کوره، اوشبو محبوس‌لردن کوپینچه‌سی تینچ اهالی بولیب و طالب‌لر تامانیدن حبس ایتیلگن ایکن‌لر.
215 میوند قول اردو سوزلاوچیسی‌نینگ ایتیشیچه، قوییب یوباریلگن کیشی‌لر، بایومیتریک اوچون مذکور قول اردوگه انتقال بیریلگن و تدقیقات اوتکزیلگنی‌دن کیین، اولرنینگ آره‌سیده امنیتی عسکر بار و یوقلیگی بیللی بوله‌دی.
بو عملیات‌ده امنیتی کوچلر و تینچ اهالی‌گه زیان ییتمه‌گن.
قوراللی طالب‌لر، حاضرگچه بو توغریده هیچ نرسه دیمه‌گن.
