قانونی حمایت قیلووچی حرکت اعضالری، برقی کیملیکلر ترقهتیلیشی اوچون اهالی رویخطدن اوتکزیش قانونی جمهور رییس غنی تامانیدن اوزگرتیریلگن لیگینی اساسی قانونگه ضد دیگنلر.
اولر، اوشبو کیملیکلرلایحهسی اساسی قانونگه موافق بوندن آلدین نمایندهلر مجلس اعضالری آرقهلی تصدیق لنگن لیگیگه موافق کوچگه کیریتیلیشی کیرهک دیدیلر.
بو حرکت نینگ اعضالری جمهور رییس غنینی قانون بوزرلیکده عیبلهگنلر. جناب غنی غرضلی شخصلر تاثیری آستیده جمیعتنی رویخطدن اوتکزیش قانونینی اوزگرتیرهدی دیدی حرکت نینگ اعضالری.
بوگون (شنبه) کابلده خبری انجمن اوتکزگن قانوننی حمایت قیلهدیگن حرکت نینگ اعضاسی هارون معترف، حکومت مملکت یشاووچیلری کیملیگی اوچون سلیقهوی یاندهش مسلیگی لازم دیگن. معترف، اهالی حکومت نینگ بو قیلمیشی توغریسیده عکسالعمل بیلدیرهدی دییه آگاهلنتیرگن.
مذکور حرکت نینگ اعضالری ترقه تیلهجک برقی کیملیکلرده افغانستان خلقی اورتهسیده سلبی تاثیر قوییه دیگن سوزنی ایشلهتیش اوچون اولگوریلمس لیگی خصوصیده تاکید قیلگنلر.
جمهور رییس غنی نینگ ینگیدن صادر قیلگن تقنینی فرمانی بیکار ایتلیشی توغریسیده قطعنامه صادر قیلگن بو حرکت حکومتدن مملکت یشاووچیلری بیلن ایکّی تامانلمه یاندهش مسلیگی لازم دیدیلر.
اولرگه کوره، بو ایستکلریگه حکومت تامانیدن اعتبار بیریلمهگن حالده، مملکت بویلب مدنی اعتراضلر یولگه قوییشلری امکاندن اوزاق ایمس.
جمهور رییس غنی سوزلاووچیسینینگ اورین باسری شاهحسین مرتضوی، برقی کیملیکلر ترقهتیلیشی اوچون جمهور رییس غنی تامانیدن جمعیتنی رویخطگه آلیش قانونیگه اوزگرتیریش کیلتیریشی اوچون ملی اجماع نینگ فکری آلینگن لیگینی سلاموطندارگه ایتگن.
جناب مرتضوی، جمهور رییس تامانیدن تصدیق بولگن قانون کوچلی بیر ملی اجماع نینگ حمایتی آستیده عملی بولگن دیدی. ملی بیرلیک حکومتی نینگ بوتون سیاسی اعضالری کابینه نینگ هفتهلیک اولتیریشیده بو ایشنی خوش قرشیلهگنلر دیگن سوزلاووچی.
برقی کیملیکلرنی ترقهتیش خصوصیدهگی جمیعتنی رویخطدن آلگن قانونی نینگ آلتینچی مادهسی اوتگن هفته پنج شنبه کونی کابینه ییغینیده تصدیق بولگندن سونگ جمهور رییس آرقهلی کوچگه کیریتیلدی.
برقی کیملیکلرده شخص نینگ خصوصیتلریگه تیگیشلی اهالینی رویخطدن آلیش قانونی نینگ اوزگرتیریلگن آلتینچی مادهسیده کیشی نینگ خصوصیتلریدن علاوه هر بیر کیشی نینگ اوستیگه قومیت و ملیت عنوانیده افغان سوزی هم ایشله تیلهدی.
