افغانستان بوییچه ناتو کوچلری عمومی قومندانی‌نینگ ایتیشیچه، افغانستان طالب‌لر و باشقه عصیانچی گروه‌لرگه قرشی اوروش‌ده جدی قیین‌چیلیک‌که روپه‌ره بولگن و بو قیین‌چیلیک‌نی حل ایتیش اوچون باشقه مینگ‌لرچه امیریکه‌لیک عسکر لازم. ناتو عمومی قومندانی‌گه کوره، حقانی ترماغی و باشقه عصیانچی گروه‌لرگه پاکستان تینچ اوی بولگن و واشینگتن-اسلام‌آباد علاقه‌سیگه قیته تیکله‌نیشی کیره‌ک.
اوتگن «پنجشنبه» کون کیچ قورون امیریکه سنامجلسی‌نینگ حربی خذمت‌لر کمیته‌سی ییغینیده سوزگه چیققن ناتو عمومی قومندانی جان مک نیکلسون‌نینگ افغانستان وضعیتی توغریسیده ایتیشیچه، روسیه ییترلی شکلده طالب‌لردن حمایه قیله‌دی. اونینگ ایتیشیچه، روسیه‌نینگ بو حمایتی‌دن مقصد افغانستانده امیریکه و ناتو فعالیت‌لرینی سوراققه دوچ کیلتیریش دیر.
افغانستانده قوراللی عصیانچیلرنینگ فعالیت‌لری کینگه‌ییشی خصوصیده خواطر بیلدیرگن ناتو عمومی قومندانی‌نینگ ایتیشیچه، افغانستان غربی‌ده ایران هم طالب‌لردن حمایت قیله‌دی.
جناب نیکلسون‌نینگ کوپه‌یتیریشیچه، چیت ایللیک اویینچی‌لر اینیقسه پاکستان، روسیه و ایران طالب‌لردن حمایت قیلیب و بو گروه‌نینگ رسمی‌لشتیره‌دیلر و شونینگ‌دیک، افغانستانده برقرارلیک تأمین‌لنیشی‌گه توسیق بولیش خصوصیده خواطر بیلدیره‌دی.
