غور ولایتی محل رسمیلرینینگ ایتیشیچه، مذکور ولایتده بیر عایله، ینگیدن توغیلگن قیز بالهسینی غور مرکزی فیروز کوه شهری نینگ علم منطقهسیده بیر کارتن ایچیده یول اوستیگه تشلهگن.
غورده بالهلردن حمایت ایتیووچی اداره باشلیغی محیالدین رسولینینگ سلام وطندارگه ایتیشیچه، بو باله توغیلگنیدن 48 ساعت اوتگنیدن کیین، عایلهسی تامانیدن یول اوستیگه تشلنگن.
اونینگ ایتیشیچه، حاضرگه قدر بو حرکت سببی بیللی بولمهگن و بالهنی یول اوستیگه تشلهگن عایلهنینگ تاپیش اوچون، میدیاگه خبر بیرگن.
رسولینینگ کوپهیتیریشیچه، باشقه بیرعایله، مذکور بالهنینگ سقلهشینی بوینیگه آلگن. جناب رسولینینگ ایتیشیچه، بو بیرینچی مرته غور ولایتیده بیر عایله ینگی توغیلگن بالهسینی یول اوستیگه تشلهیدی.
عین حالده، غور ولایت انسان حقوقی کمیسیون مسوولی فرشید مقدمنینگ سلام وطندارگه ایتیشیچه، یول اوستیگه تشلنگن باله قیز دیر و حاضر باشقه بیر عایلهگه تاپشیریلگن.
جناب مقدمگه کوره، محل یشاووچیلری دستلب کارتن ایچیدهگی بالهنی پارتلاوچی ماده بولگنینی گمان قیلیب، پولیسگه خبر بیرگنیدن کیین، کارتن ایچیدهگی باله موجودلیگی معلوم بولگن.
غورده انسان حقوقی کمیسیون مسوولینینگ ایتیشیچه، حاضرگه قدر بو ایش سببی بیللی بولمهگن، بیراق قشاقلیک یاکه باله نینگ قیز بولگنی سبب یول اوستیگه تشلنگن بولیشی مممکن.
عین حالده، غور ولایتی انسان حقوقی کمیسیون مسوولی، مذکور ولایتده بالهلر وضعیتینی خواطرلی بیلیب ایتیشیچه، قشاقلیک، قورغاقچیلیک، ناتینچلیک و عایلهوی قرهمه قرشیلیکلر، غور ولایتیده بالهلرنینگ قیین چیلیککه روپهره قیلگن.
جناب مقدمگه کوره، قورغاقچیلیک و ناتینچلیکلر باعث، غور ولایتیده بیرقطار عایلهلر قوشنی ولایت لرگه بدرغه بولگن و بو موضوع عایلهلر ایچیده بولگن بالهلرنی قیینچیلیککه روپهره قیلگن.
