بیرلشگن ملت‌لر تشکیلاتی‌نینگ خوفسیزلیک کینگشی، داعش، القاعده و باشقه عصیانچی گروه‌لرگه قرشی تهریم‌لر وضع ایتگن؛ بیراق اسلامی حزب رهبری گلبدین حکمتیارگه قرشی تهریم‌لر کوتریلگن. بو قرار اوتگن کون بیرلشگن ملت‌لر تشکیلاتی خوفسیزلیک کینگشی‌نینگ ییغینیده آلینگن.
قویاش جاری ییل‌نینگ قوس آیی‌نی آخریده گلبدین حکمتیار بیلن افغانستان حکومتی‌نینگ تینچلیک کیلیشووی‌گه قول قوییلدی. کیلیشووگه قول قوییلگنی‌دن کیین حکومت، اسلامی حزب رهبری‌نینگ آتی بیرلشگن ملت‌لر تشکیلاتی‌نینگ قاره رویخطی‌دن چیقاریلیشی‌نی معلوم قیلدی.
اوتگن آی افغانستان حکومتی، تشقی ایشلر وزیرلیگی آرقه‌لی بیرلشگن ملت‌لر تشکیلاتی‌نینگ خوفسیزلیک کینگشی‌گه بیر مکتوب یوباردی و مذکور مکتوب‌ده اسلامی حزب رهبری گلبدین حکمتیارنینگ آتی قاره رویخط‌دن چیقاریلیشی و بو حزب‌گه قرشی تهریم‌لر کوتریلیشی طلب قیلینگن.
بوندن آلدین، گلبدین حکمتیار رهبرلیگی‌ده اسلامی حزب نماینده‌لری، اوشبو حزب‌نینگ رهبری تیزلیک‌ده کابل‌گه کیلیشی‌نی معلوم قیلگن ایدی.
