جمهور رییسنینگ اَبهسی و روسیه اوچون افغانستاننینگ سیاسی نمایندهسی قیوم کوچی، سونگی بیاناتلریده مخدره ماده ایکینی و قاچاقی توغریسیده بوندهی دیگن: «مخدره ماده افغانستانده ایکیلهدی و تاجیکستان مافیاسی آرقهلی روسیه گه قاچاق بولهدی».
جناب کوچینینگ بو بیاناتی تاجیکستان رسمیلرینینگ جدی عکسالعمللریگه روپهره بولدی، بیراق افغانستان تشقی ایشلر وزیرلیگی، اونینگ بیاناتینی شخصی فکری دیب و نهایتده حکومت بو قضیه توغریسیده بیفرق یاندهشدی. بو قضیهگه قوشیمچه، حکومت هرات بیلیم یورتی علمی اورین باسری حسن فریدنینگ حجاب سیزلیک توغریسیده ایتگن سوزلرینی هم نظرگه آلمهدی.
قطار سیاسی ایش بیلرمانلر و نمایندهلرنینگ ایتیشیچه، تیزیم ایچیدهگی قرهمه قرشیلیک، اویغون سیزلیک و حکومت تشکیلاتیده علاقه حاکملیگی سبب، قطار رسمیلرنینگ خطالری توغریسیده بیفرق یاندهشیلهدی.
سیاسی ایش بیلرمانلردن بیری طاهر هاشمینینگ ایشانچیگه کوره، حکومت تشکیلاتیده ایچکی و تشقی لایحه یوقلیگی باعث، جدی قرار آلینمهیدی و شونینگدیک، رسمیلر بو وضعیتدن فایدهلنیب ناتوغری بیانات بیرهدیلر. اونینگ ایتیشیچه، حکومت تشکیلاتیده رسمی فعالیت قیلهدیگن کیشیلرنینگ بیاناتلری موقفلرینی کورستهدی. اوشبو سیاسی ایش بیلرمان حکومتنینگ ایشلریدن تنقید قیلیب کوپهیتیریشیچه، حکومت باشلیغلری، بوندهی قضیهلر خصوصیده، بیفرق یاندهشمسلری لازم.
شونینگدیک، نمایندهلر کینگشی اعضاسی عارف رحمانینینگ سلاموطندارگه ایتیشیچه، حکومت رسمیلری و مسؤوللریدن کوپینچهسی علاقه و پول اساسیده، تعیین ایتیلگنلر و حکومتی مسئلهلر توغریسیده خبرسیز دیر.
