مملکت عالی تینچلیک کینگشی نینگ مصلحتچیسی عبدالحکیم مجاهد کابلده اوتکزیلگن خبری انجمنلردن بیریده طالبلرنی فرشتهلر و مقدس گروه دیگن ایدی. اونینگ بو قبیل سوزلری جدی عکس صدالرگه سبب بولدی. جمهور رییسلیک سرایی بیر خبرنامه نشر قیلیب، مساله جدی و هر تامانلمه تیکشیریلیشی اوچون وعده بیرگندی.
نهایت بوگون (یکشنبه) اجراییه ریاستی نینگ مسووللری سلاموطندارگه بیرگن مخصوص صحبتده، جناب مجاهد مسوولیتسیز سوزلرنی تیلگه آلگن لیگی باعث ایشیدن آلینگن لیگی حقیده خبر بیردیلر.
سلاموطندار ترماغیگه صحبت بیرگن عالی تینچلیک کینگشی نینگ مصلحتچیسی عبدالحکیم مجاهد، طالبلرنی یرهش فرشتهلری دیمهگن لیگینی بیلدیرگن. اونینگ تعبیریچه، مملکت سابق جمهور رییسی همده عالی تینچلیک کینگشی نینگ باشلیغی برهانالدین ربانی طالبلرنی تینچلیک فرشتهلری دیگن ایدی. او، مذکور ییغینده فقط اوندن نقل قول قیلگن لیگیگه اشاره قیلگن جناب مجاهد.
جناب مجاهد، جنجاللی صحبتلریده مملکت نینگ 40 ییللیک تاریخینی نقد قیلیب بو مدت جریانیده مجاهدلر و کمونیستلر افراطیت یولینی ایلگری سورگنلر دیگن. «طالبلر مملکتنی باستیریب آلگن ده، استاد ربانی اولرنی تینچلیک فرشتهسی خطاب قیلگن ایدی، لیکن طالبلرنینگ افراطیت یوزهسیدن یاندهشیشی بولرنینگ حکومتی» دوام تارتمس لیگیگه سبب بولدی دیگن جناب مجاهد.
شونینگدیک مجاهد ایشدن آلینگن لیگی توغریسیده هنوز خبرسیز ایکن لیگینی تیلگه آلگن.
بو توغریده جمهور رییسلیک سرایی نینگ فکرینی اورگهنیش اوچون آلیب بارگن سعی و حرکتلریمیز نتیجه آلیب کیلمهدی.
