.jpg)
بوندن ایکّی کون آلدین کابل، هملند و قندهار پارتلش همده انتحاری هجوملر گواهی ایدی. بو حادثهلرده کمیده 40 انسان حیاتدن کوز یومدی. 90 انسان یره لنگنی رسمی حساباتلریده قید ایتیلگن. دارلالمان عمومی یولیده جایلیشگن ملی کینگش نینگ الحاقیه ادارهسیده یقینیده صادر ایتیلگن هجومده 25 انسان نینگ یاستغی قوریدی. قربانلردن بیرینینگ اوییگه باش اوردیک.
ملی کینگش نینگ ملازمی افسانه 35 یاشیر عیال. او، دارالالمان عمومی یولیده عملگه آشیریلگن انتحاری هجومده کتّه اوغلی آلتی یاشر کوشا بیلن حیاتیگه نقطقه قویدی. افسانه نینگ ایکینچی اوغلی کامبیز ایسه تورت یاشیده. آنهسی ینه اکهسی قهییرگه کیتگن لیگینی هلی بیلمیدی کامبیز.
بیز افسانه نینگ اوییگه باریشیمیز بیلن، اونینگ خانهدان اعضاسی و قرینداشلری کوشا بیلن افسانه نینگ جسدینی قبرستان تامان آلیب جونهگن لیکلریگه توغری کیلدی. کوزی جیق یاشگه تولگن افسانه نینگ سینگلیسی و ایناغهسی عزیزلری جسدی آرتیدن فقط یوم – یوم ییغلیدی تمام.
ایندی آنهسی و اکهسی قیتمسلیگینی قندهی قیلیب کامبیزگه ایتیشنی بیلمیدی افسانه نینگ کمبخت آنهسی. او، عزیزلرینینگ قیغوسیده ییغیلیب، منه بولرنی خیرگاهی قیلهدی: «جاندن عزیز قیزیم، بغیریمنی توتهسی نبیرهم، ایندی نیمه قیلی؟ سیزلرنی دایمی کیتیشینگیز بیلیمنی سیندیردی.»
افسانه نینگ یقینلریدن بیری ثریا، کوشا نینگ آتهسی نیچه ییلدن بیری آلمانده استقامت قیلهدی دیگن. اونینگ سوزلریگه قرهگنده، افغانستان نینگ وضعیتی یخشی بولگن حالده، افسانه نینگ تورموش اورتاغی مملکتدن تشقریده ایش قیلیش اوچون اصلا مجبور ایمس ایدی.
افسانه نینگ قیین آغهسی عبدالحکیم، کوشانینگ آتهسی خاتینی ینه اوغلی قربان بولگن لیگی حقیده خبر تاپگندن بیری «ساغلیق وضعیتی یخشی» ایمس دیدی.
افسانه خانهدانی وضعیتی سهشنبه کون کابل نینگ دارالالمان منطقهسیده یوز بیرگن انتحاری هجومده عزیزلرینی قولدن بیرگنلر مثالیده اورگندیک.
بو حادثه مسوولتینی قوراللی طالبلر ذمهسیگه آلدی. حکومت سابق دیک بو واقعهنی هم فقط قارهلش بیلن چیکلندی یو تمام. حکومت بو قبیل حادثهلرنینگ عاملی قولگه آلینیب جزالنهدی دییه دایم فقط وعده بیرگن؛ لیکن علمده بیر ایش قیله آلمهگن.
