جوزجان ولایتی قوش‌تپه تومنی نینگ یشاووچیلری، اوزبیکستانلیک ترورچیلر فعالیتی باره‌سیده تشویش بیلدیرگنلر. اوزبیکستانلیک جنگریلر انتحاری هجوم همده پارتلش صادر قیلیشده تومن یاشلرینی عسکرلیککه آلیشگه باشله‌گن لیگی ایتیله‌دی. اوزبیکستانلیک جنگریلر عایله‌سی بیلن قوش‌تپه‌ده ییرلشگن لیگی تاکیدلنه‌دی.
12 یاشر افضل قوش‌تپه تومنی نینگ یشاووچیسی. بوندن آلدین جنگریلر تامانیدن الدنگن افضل نینگ سلام‌وطندارگه حکایه قیلیشیچه، چیت ایللیک جنگریلر مکتب اوقوچیلرینی عسکرلیککه آلیب اولرگه انتحاری هجوم ینه پارتلش عملگه آشیریش سیرلرینی اورگته‌دی.
«اوزبیکستانلیک جنگریلر بیزلرگه پارتلاوچی ماده‌گه تولدیریلگن بشکه‌لرنی بیریب، مکتبلرینگیزده کومیب پارتله‌تینگلر، سیزلر شهید بوله‌سیزلر دییه تربیه بیرر ایدی» دیدی یاش افضل.
بلاغتگه ییتمه‌گن باله‌لری توغریسیده اچییق تجربه‌گه ایگه قوش‌تپه تومنی نینگ ایریم یشاووچیلری، مرکزی حکومتدن حربی تازه‌لش عملیات اوتکزیش بیلن اوزبیکستانلیک جنگریلر فعالیتی آلدی آلینیشینی سوره‌گنلر.
قوش‌تپه تومنی نینگ یشاووچیسی حیدرنینگ سوزلریگه کوره، اوزبیکستانلیک جنگریلر بلاغتگه ییتمه‌گن کمیده 200 – 300 گودککه انتحاری هجوم همده پارتلش عملگه آشریش سیرلرینی اورگتگن.
اوزبیکستانلیک عصیانچیلر فعالیتینی تصدیق ایتگن جوزجان محلی حکومت رسمیلری، اوشبو جنگریلر مکتب اوقوچیلرینی جلب و جذب قیلیش امکانیتیگه ایگه ایمس دیدیلر.
قوش‌تپه تومنیده بلاغتگه ییتمه‌گن گودکلر اوزبیکستانلیک جنگریلر آرقه‌لی تربیه له‌نیشینی رد ایتگن جوزجان ولایتی والیسی‌نینگ سوزلاووچیسی محمد رضا غفوری، اوزبیکستان اسلامی حرکت حزبی‌گه وفادار جنگریلر فقط قوراللی طالبلر و داعش توده‌سیگه ترورچیلیک ساحه‌ده فعالیت بیره‌دی دیگن.
قوش‌تپه جوزجان ولایتی نینگ نا برقرار ولسواللیکلریدن حسابلنه‌دی. بو تومنده باشقه جنگریلر قطاریده اوزبیکستانلیک عصیانچی گروه‌لرنینگ فعالیتی کوزه تیلگن لیگی ایتیله‌دی. شونینگدیک اوشبو تومنده‌گی بعضی حربی پوسته‌لرنینگ یولی یاپیب قوییلگن لیگی سبب هوا آرقه‌لی تامین‌له‌نیشی ایتیله‌دی.
معین دلیللرگه کوره، بلاغتگه ییتمه‌گن مذکور گودککه افضل نامی بیریلدی.
