مجلس نینگ مالی و بودجه‌وی کمیسیونی رسمیلری نینگ ایتیشیچه، 1396- ییل بودجه‌سی قیینچی‌لیکلری حل ایتیلگن و تصویب قیلیش اوچون کیلگوسی هفته پارلمانگه یوباریلیب بومرته نماینده‌لر تامانیدن تأیید آواز آلیشی کوتیله‌دی.
مجلس نینگ بودجه و مالی کمیسیونی اورین باسری کمال صافی نینگ سلام‌وطندارگه ایتیشیچه، 1396- ییل مالی بودجه‌سی طرحی اوستیگه ایشلب کیلماقده‌لر و حاضرگه قدر 90 فایز اصلاح قیلیش ایشی یکونله‌گن. اونگه کوره، نماینده‌لرنینگ کیلگوسی ییل بودجه‌سی اوستیگه خواطرلری برطرف ایتیلگن و سالیق وزیرلیگی بیلن بیرگه لیکده بودجه اوستیگه ایشله‌گنلر، کیلگوسی هفته مجلس‌گه معرفی بولیشی کوتیله‌دی.
نماینده‌لرنینگ مالی و بودجه‌وی کمیسیونی اورین باسری نینگ ایتیشیچه، بودجه‌ده اوزگریش کیلتیریلمه‌گن و فقط یوکسه‌تیش پروژه‌لر ایریمی نینگ بودجه‌سی توازن نظرده توتیلمسدن هزینه کورسه‌تیلگن ایکن اصلاح قیلینگن و اجره‌تیلگن پولنی باشقه پروژه‌لرگه اختصاص بیرگنلر.
1396-ییل توپلم بودجه‌سی 466 میلیارد افغانی نظرده توتیلگن مذکور مبلغ‌دن 287 میلیاردی عادی بودجه اوچون و قالگن 178 میلیارد افغانی‌سی ایسه یوکسه‌تیش بودجه‌لرگه اجره‌تیلگن.
بودجه لایحه‌سی 20 کون آلدین ایریم قیینچی‌لیکلری بولگن‌لیگی دلیل نماینده‌لر تمانیدن کوپلب آواز بیلن رد بولگن ایدی.
