برازیل پولیسی نینگ ایتیشیچه، یونان نینگ برازیلده‌گی ایلچیسی کریاکوس آمیریدیس نینگ خاتینی بیلن علاقه‌ده بولگن محلی مأموری تامانیدن اولدیریلگن.
برازیل پولیسی‌گه کوره، یونان ایلچیسی نینگ برازیللیک خاتینی فرانسوا آمیریدیس ایری نینگ اولدیریش طرحینی بیرلیکده آلگن ایکنلر.
اوتگن دوشنبه کونی برازیلده‌گی یونان ایلچیسی غایب بولگن ایدی و خاتینی چهارشنبه کونی اونی غایب بولگنیدن خبر قیلدی. نهایتده ایلچی نینگ جسدی پنج‌شنبه کونی ریو دو ژانیرو ایالتیده بیر کویدیریلگن موتر کیتیدن تاپیلدی.
پولیس قومندانلریدن بیری اواریستو پونتس ماگالاس نینگ ایتیشیچه، مذکور قتل قضیه‌سی "سیوگی جنایتی" دیگن.
بوندن 15 ییل مقدم بولر اویلنگن ایکن و حاضر 10 یاشده بیر قیزلری هم بار.
2001دن 2004 گه قدر کریاکوس آمیریدیس یونان نینگ ریو ده قنسولی حیثیده ایشله گن و میلادی 2016 – ییلی برازیلده یونان ایلچیسی بولیب تنلنگن ایدی.
