چینینگ مرکزی و جنوبی منطقهلریدهگی تینیمسیز یاغینگرچیلیکلر نتیجهسیده یوز بیرگن سوو تاشقینلری عاقبتیده 130 کیشی عالم دن اوتدی. مذکور طبیعی آفتده هنوزگچه اوچ میلیار دالرلیک زیان ییتگنلیگی معلوم قیلینگن.
بو مملکت دولت تلویزیونینینگ رسمی بیاناتیگه کوره، سوو تاشقینلری نتیجهسیده هلیگچه 19 انسان درک سیز یوقالگن و 1 میلیون کیشی ایسه یشش اوی جایلریدن آواره بولگنلر.
چین باش وزیری کیکینانگ بوگون (سهشنبه) حادثه ییرینی یقیندن کوزهتگن پیتده محلی رسمیلرگه، سوو تاشقینلریدن زیان کورگن خلققه کوپراق همکارلیک قیلیش لری اوچون بویروغ بیرگن.
ایتیلیشیچه، هنوز 1.6 میلیون هکتار ایکین ییر سوو آستیه قالیب کیتگن.
عین حالده، چین هوا شناسلیک ادارهسی کیلگوسی کونلرده تینیمیسیز یاغینگرچیلیکلر بولیشی ممکن دیگن. کوچلی احتمال بیلن جنوبی و مرکزی منطقهلرده ینه سوو تاشقینلری روی بیریشی ممکن لیگی ایتیلهدی.
