 - Copy 1.jpg)
افغانستان موسیقه انستیتوتی نینگ ییتینچی قیشگی موسیقه فستیوالی باشلندی. فستیوالنی یولگه قویشدن هدف صنعتچی طلبهلر استعدادینی اوسدیریش دیگن بو اداره نینگ مسووللری.
مذکور فستیوال 7 هفته دوام ایتهدی. هرات، بامیان و کابل ولایتلریدن هنرمندلر اشتراکیده اوشبو مدتده ایریم موسیقه برنامهلری و ترانه اوقیش بیلن کنسرتلر اوتکزیلهدی.
اوشبو مدتده ایچکی ترانهلر اجرا ایتیش کنسرتی اوچون انستیتوت هنرمندلریدن بیر قطاری اروپاگه یوباریلیشی ایتیلگن.
فستیوال آچیلیش مراسمیده گپیرگن افغانستان ملی موسیقه انستیوتی باشلیغی ناصراحمد سرمست نینگ ایتیشیچه، اولر قیشگی فستیوالنی یاش صنعتچیلر استعدادینی اوسدیریش نیتیده یولگه قویگنلر.
.jpg)
اوزاق حدود ده جایلشگن ولایتلر هنرمندلرینی یخشیلب موسیقه اسبابلرینی اورگهتیش اوچون کابلگه چقیرگن لیکلرینی تیلگه آلدی جناب سرمست.
موسیقه اورگنهدیگن قیزلر و خانملر اوچون مذکور انستیتوتنی اینگ مناسب بیلگن جناب سرمست نینگ ایتیشیچه، خانهدانلر قیزلرینی موسیقه اورگهنیش اوچون خوف-خطر سیزمسدن مذکور انستیتوتگه قویالهدیلر. کنسرت اوتکزیش اوچون اروپاگه یوباریله دیگنلردن 50 فایزی قیزلر ایکنی ایتیلگن.
بو انستیتوتده 150گه یقین یاش صنعتچی موسیقه اورگنیب کیلماقدهلر. افغانستان ملی موسیقه انستیتوتی معارف وزیرلیگی نظری آستیده فعالیت قیلهدی و اوشبو انستیتوت اوقووچیلرینینگ یریمینی قیزلر تشکیل ایتهدی.
