قندوز باشقرهلاوچیلیک ادارهسی نینگ مسووللری، ولایت دستلبکی محکمهسی شیرخان تصدی بندری باشلیغینی اوشبو بندرده دولتگه قرهشلی بیرمینگ جریب ییرنی غضب قیلیشده شرایط یرهتگنی اوچون وظیفهسینی توختنگنلیگی بارهسیده خبر بیرگن.
قندوز باشقرهلاوچیسی عارف مبشر، شیرخان تصدی بندرینینگ باشلیغی امامحمد سرشخی، مذکور بندرده بیرمینگ 495جریب ییرنی تارتیب آلیب یشش اوی قوریش اوچون اوز آلدیدن بویروق بیرگن لیگینی سلاموطندارگه ایتگن. اونینگ سوزلریگه کوره، دولتگه تیگیشلی اوشبو ییرلر افغانستان و تاجیکستان چیگرهسیده جایلشگنی ایتیلهدی.
قندوز دولت باشقرهلاوچیسی، شیرخان تصدی بندرینینگ باشلیغی بولرنینگ استعلامیگه جواب بیرمسلیکدن علاوه بو توغریده معلومات بیریش اوچون حتی باشقرهلاوچیلیککه هم کیلمهگن دیدی. ولایت نینگ دستلبکی محکمهسی مساله انیقلنگونگه قدر اونینگ وظیفهنی توختهتیب قویگن.
نامی فاش ایتیلمسلیک شرطی بیلن سلاموطندارگه گپیرگن شیرخان بندریدهگی ایریم منبعلر، شیرخان تصدی بندرینینگ رییسی اوشبو ادارهگه قرهشلی ییرلرنی کرا و اجارهگه بیرگن دیدی.
اما، شیرخان بندر تصدی ادارهسی نینگ باشلیغی امام محمد سرشخی بو توغریدهگی بوتون ادعالرنی رد قیلیب، باشقرهلاوچیلیک نینگ استعلامیگه جواب بیرگن لیگینی ایتگن. شونینگدیک بو لوازمده ایش باشلهگن لیگیدن بیری بیر قریچ ییر هم کیشی تامانیدن غضب ایتیلمهگن دیدی او.
شیرخان تصدی بندرینینگ رییسی، 1378-ییلده صادر بولگن فرمان اساسیده بیرمینگ 400 جریب ییر اوشبو بندرنینگ زمینلریگه قوشیلگن، اما اوشبو ییرلر اوشه زمانده محلی زوران کیشیلر آرقهلی زوردن تارتیب آلینگن لیگینی تیلگه آلگن. او، اوشبو ییرلرنی زوروانلردن قیتریب آلیش اوچون محلی حکومت نینگ هم سعی وحرکتی نتیجه بیرمهگن دیگن.
قندوز ولایتیدهگی شیرخان تصدی بندری دولت تصدی ادارهسی صفتیده سوداگرلر اوچون خذمت کورستهدی.
شیرخان بندری تصدی ادارهسی باشلغینینگ وظیفهسی توختهتیلدی.
