هرات ولایتی نینگ محللی رسمیلری خلق نینگ قیین چیلیگی و معماسینی حل ایتیش اورنیگه کوپراق تشریفاتی ایشلرگه بهار بیره‌دی. بو سوزلرنی ولایت نینگ بیر قنچه شخصیتلری همده یشاووچیسی تیلگه آلگن.
هرات ولایتی نینگ اهالیسی، سونگی وقتلرده دولت همده نا دولت اداره‌لر تامانیدن اوتکزیله دیگن سمبولیک محفللر همده ییغینلر اوتکزیش بیر فرهنگ‌گه ایلنگن لیگیدن شکایت قیلگنلر. هر کون کمیده بیر – ایکّی تشریفاتی برنامه ولایت محلی اداره‌لری همده نا دولت تشکیلاتلر آرقه‌لی اوتکزیلیشی ایتیله‌دی. اما، اهالی موجود قیین چیلیکلرینی برطرف قیلیش اوچون ساعتلب محلی حکومت رسمیلرینی کوتیشلریگه توغری کیله‌دی.
سلام‌وطندارگه صحبت بیرگن بیر قنچه هراتلیک سیاسی همده اقتصادی ایش بیلرمانلر، تشرفیاتی ییغینلر یولگه قوییش فقط دولت همده نا دولت اداره‌لر مسووللری نینگ «وقت اوتکزیش» دن بوله‌ک فایده‌سی یوق دیگنلر.
سیاسی تحلیلچی محمدرفیق شهیر، بونده یی ییغینلرنی اوتکزیشدن نیت کیشیلر اوز شخصیتی‌نی کوز- کوز قیله یو تمام دیگن.
بو قبیل تشریفاتی ییغینلرنی اوتکزیش اهالی تقدیری اوچون هیچ قنده‌ی ایجابی فایده کیلتیرمیدی دیگن اقتصادی تحلیلچی جناب یعقوب مشعوف.
ولایت دولت اداره‌لری مسووللری نینگ بونده‌ی تشریفاتی ییغینلرگه باریشی آلدی آلینیشی اوچون تاکید قیلگن هرات ولایت کینگشی نینگ اعضاسی سمیه رامش، کونده اونلب کیشی دولت اداره‌لر ایشیگی آرتیده مسووللرنی کوته‌دی دیگن. لیکن، اداره‌لرنینگ مسوولی ایش دفتریده حاضر ایمسلر.
هرات بیلیم یورتی جامعه شناسلیک بولیمی نینگ استادی احمد کاوه، ییغینلر اوتکزیش بیلن دولت همده نا دولت اداره‌لرنینگ قولگه کیریتگن موفقیتلرینی اهالیگه معلوم قیلیش اوچون بیرفرصت دیر، لیکن حاضر ایسه مساله‌دن دولت و نا دولت اداره‌لر فقط شخصی منفعتلر اوچون فایده لنه دیلر دیگن.
هرات ولایت والیسی نینگ سوزلاوچیسی جیلانی فرهاد، ییغینلرده اشتراک قیلیش، خلق نینگ قیین چیلیکلری توغریسیده‌گی فکرینی تینگلش محلی اداره‌لر مسووللری وظیفه‌سی نینگ بیر بوله‌گی حسابلنه‌دی دیگن.
هرات دولت اداره‌لریده مسووللر بولمه‌گن لیگیدن حوصله‌سی پیر بولگن ولایت نینگ اهالیسی، دولت اداره‌لر مسووللری رسمی ایشلردن کیین بونده‌ی ییغینلرده اشتراک قیلیشی مقصدگه موافق دیدیلر. اولر، محلی حکومت رسمیلری کونده نیچه ییغینده اشتراک قیلیش آلدی آلینیشی اوچون حکومتدن معین بیر لایحه ایشلب چیقاریشنی سوره‌گنلر.
