نمایندهلر مجلسی تشقی ایشلر، اجتماعی ایشلر و فواید عامه وزیرلرینی بودجهنی صرفلهآلمسلیک همده مدیریت ضعفلیگی سبب صلاحیت سیزلنتیردی.
اوشبو موضوعدن نیچه ساعت کیین جمهور رییسلیک سرایی بیر بیانات نشر قیلیب، اساسی قانون نینگ 92 مادهسیگه موافق ینه جمهور رییس قرهشیده کابینه وزیرلری اینیقسه تشقی ایشلر وزیری استیضاح ایتلیشی نا درست دییلگن.
جمهور رییسلیک سرایی نینگ بیاناتیده، مملکت جمهور رییسی بو آقشام مجلس نینگ اداری هیاتی همده کمیسیونلرنینگ باشلیغلری بیلن اوچرهشیب وزیرلرنینگ استیضاح ایتیلیش مسالهسی اوستیده بحث قیلیشی یازیلگن.
بیاناتده، مجلس نینگ نمایندهلری جاری ییلده وزیرلر تامایندن صرفلنگن بودجه همده بولرنینگ ایشی توغریسیده دییرلی معلوماتگه ایگه ایمسلیگی قید ایتیلگن. انه شو باعث جمهور رییس غنی بو توغریده ییترلی معلومات بیریب کابینه اعضالری استیضاح ایتیلیش مسالهسینی توختتهدی.
تشقی ایشلر وزیری صلاحالدین ربانی، فواید عامه وزیری محمود بلیغ، ایش و اجتماعی وزیری خانم نسرین اوریاخیللر پارلمان اعضالری تامانیدن استیضاح ایتیلیب، صلاحیت سیزلنتیریلدی. ایرته مالیه وزیری اکلیل حکیمی داخل قطار وزیرلر استیضاح ایتیلیشی کوتیلهدی.
