بلخ ولایتی معارف ریاستی نینگ مسووللری، ولایت کینگشیده‌گی خلق نماینده‌لری معارف ریاستی نینگ ایشلریگه اره‌لشگن لیکده عیبله گنلر. معارف رسمیلری، اوشبو نماینده‌لر حتی اوقیتوچیلر تعیین له‌نیش اوچون اره‌لشه دی دیدلر.
ایتلیشیچه، ولایت نینگ ولایت کینگش نمایده‌لری اوز یقین قرینداشلرینی مناسب مکتبلرگه تعیین قیلیش‌گه اولگوره دیلر.
رسمیلر، بلخ ولایت کینگشی اعضالری نینگ سبب‌سیز اره‌له‌شیشلری، بلخ معارف اداره‌سینی تورلی معمالر بیلن روپه ره قیلگن لیگی اوستیده تاکید ایتگنلر.
بلخ ولایتی معارف ریاستی نینگ باشلیغی عبدالعزیز عزیز، اوقیتوچی ایتیب تعییلنه‌نیش اوچون سیناو اوتکزگندن سونگ کامیاب بولمه‌گن معلملر ولایت کینگشی نینگ نماینده‌لریدن فایده له‌نیب معارف تیزیمی‌گه اره‌لشه دیلر دیدی. اونینگ سوزلریگه قره گنده، بیر اوقیتوچی تعیین بولیشده بیر نیچه نماینده بیر زمانده معارف ریاستیگه باش اورگن‌لیگی‌گه گواه بوگلنلر.
لیکن، بلخ ولایتی کینگشی نینگ مسووللری، حاضرگی کونده ولایت معارف اداره‌سینی مدیریت سیزلیککه روپه ره بولگن‌لیکده عیبدار بیلیب، مسووللر ولایت معارف اداره‌سینی بحرانگه دوچار قیلگن لیگینی تیلگه آلگن.
بلخ ولایتی ولایت کینگشی نینگ باشلیغی محمدافضل حدید، ایریم نمایندهلرنی معارف ایشلریگه اره‌لشگن‌لیکلرینی اعتراف قیلیب، بلخ معارف ریاستیده‌گی موجود بحران نمایندهلرنی اره‌له‌شی اوچون ناچار قیلگن دیگن.
شونینگ دیک بلخ معارف ریاستی نینگ باشلیغی مذکور اداره‌نی مدیریت قیلیش قابلیتی‌گه ایگه ایمس دیگن جناب حدید.
بوندن نیچه وقت آلدین بلخ معارف اداره‌سی ینگی‌دن وظیفه آلینه دیگن اوقیتوچیلردن سیناو آلگن ایدی. اوشبو سیناده کمیده 2 مینگ معلم اشتراک قیلگن لییگی ایتیله‌دی. لیکن، معارف نینگ طلبی اشتراک قیلگنلرنینگ یریمگه ماس بولگن.
