نورستان ولایتی نینگ بیر قنچه اهالیسی همده مدنی جماعه‌چیلیک فعاللری کابل‌ده ییتکرمه‌لرگه حجتلر بیریب، ولایت نینگ سرپرستی حافظ عبدالقیومنی فاسدکیشی دیب، ایشدن آلینیشی‌نی طلب قیلگنلر.
بوگون (چهارشنبه) کابل‌ده اعتراضلی ییغین اوتکزگن نورستان اهالیسی، ولایت سرپرستینی بعضی مافیایی گروه‌لر بیلن علاقه‌سی بارلیک‌که عیبدار بیلگنلر. قیته قوریش لایحه‌لرنینگ پولی ولایت والیسی نینگ جونته گیگیه کیتگن لیگینی ادعا قیلگن اعتراضچیلر.
نورستان ولایتی نینگ یشاووچیلریدن بیری عطاالله حیران، مرکزی حکومت مندول تومنی یولی قیته قوریلیشی اوچون معین بودجه اجره تگن‌لیگی‌گه قره‌می، لیکن، ولایت سرپرستی اوشبو یول قوریلیشی اوچون هیچ بیر ایش قیلمه‌گن دیدی.
مذکور اعتراضچیلر حکومتدن حافظ عبدالقیوم ایش دن آلینیب اونینگ اورنیگه مناسب بیر کیشی ولایت والیسی ایتیب تعیین له‌نیشی باره‌سیده تاکید قیلگنلر.
شونینگدیک نورستانلیک اعتراضچیلر حافظ عبدالقیوم ایشدن آلینیشی اوچون حکومت چاره تدبیر کورمه‌گن حالده، کیینگ مدنی حرکتلرگه قول اوریشلری توغریسیده آگاهلنتیرگنلر.
اما، ولایتنی وقتینچه‌لیک باشقریب کیله‌دیگن سرپرست حافظ عبدالقیوم، اعتراضچیلر ادعاسینی رد قیلیب، ایریم کیشیلر ولایت ایشلریگه اره‌لشه دیدیگن.
ولایت نینگ سرپرستی جمهور رییس غنی‌دن ولایت ده‌گی مساله تیکشیریلیشی اوچون صلاحیتلی هیات یوباریشینی سوره‌گن. او، اعتراضچیلرنینگ ادعاسی اثباتلنگن حالده، استعفا بیریشینی ایتگن.
چمه‌سی ایکی ییل‌دن بیری نورستان ولایتی‌نینگ لوازمی سرپرست آرقه‌لی اداره ایتیلیب کیلینه‌دی.
