 - Copy 1.JPG)
سابق جهادیلردن و حامدکرزی دوریده‌گی سوو و برق وزیری محمداسماعیل‌خان نینگ مملکت غربیده بیانات بیریب ایتیشیچه: «ینه بیر بار افغانستان تشقی کوچلر فریب‌کارلیگی و حکومت ضعیف‌لیگی سبب مصیبت‌لر بیلن روپه‌ره بولگن.»
او، هراتده‌گی سابق جهادیلر ارا صحبت قیلردی، کیلگوسی ییل افغانستان کوپلب خوف‌لر بیلن روپه‌ره بولیشینی معلوم قیلدی. اسماعیل‌خان، ملی بیرلیک حکومتی مملکت‌دن دفاع قیلمه‌گن حالده، کیشیدن رخصت سوره‌مسدن اوزی عملده ایشگه کیره‌دی.
سابق جهادلرنی بیرلشتیریش اوچون یشش بناسیگه چقیرگن اسماعیل‌خان، طالب‌لرگه برابر حکومت نینگ اوروش ریجه تدبیرلریدن انتقاد قیلدی و حکومت اوروش لایحه‌لریگه اوزگریش کیلتیرمه‌گن صورتده، طالب‌لر کیلگوسی ییل کوچله‌نیب بویوک شهرلرنی تصرف قیلیشگه اولگوریشی ممکن دیدی.
بو سابق جهادی قومندان فراه ولایتیده طالب‌لرنی هجومیگه قره‌تیب، حاضرگی اوروشده تشقی کوچلر اره‌لشی بیلن طالب‌لرنی آرقه گه اورگندی، بیراق حاضرگی اوروش یکونلمه‌سی ممکن.
.JPG)
اسماعیل‌خان حاضرگی و سابق حکومت نینگ طالب‌لرگه قرشی اوروشده تفاوت سیز قالیشیدن انتقاد قیلیب آگاهلنتیریشیچه، قندوزلیکلر، هلمندلیکلر و فراه اهالیسی‌دیک طالب‌لر برابریده جیم قالمسدن، حکومت نینگ ضعیف یانده‌شگن‌لیگینی کورگن حالده، اوزی اوروش رهبرلیگینی آلیب نقطه قویه‌دی. او سابق جهادیلردن اوزلرینی اوروشگه تیار قیلیشلرینی ایسته‌دی.
اسماعیل‌خان نینگ کوپه‌یتیریشیچه، حاضرگی اوروش طالب‌لر ایمس بلکه کوچلی مملکت‌لر تامانیدن اداره بوله‌دی و افغانستان اوروش میدانی بولیب ایکینچی سوریه گه اوزگرتیرماقچیلر.
اونگه کوره، 14 ییل اوتیشی بیلن طالب‌لر چریکی اوروشلرینی مملکت 6 ولایتیده منتظم و جبهه اوروشیگه اوزگرتیرگنلر و کیلگوسی ییلده بو اوروش کینگه‌ییشی ممکن.
اسماعیل‌خان ملی بیرلیک حکومتیدن اوروش آلدینی آلیش اوچون جهادی قومندانلر مصلحت‌لریدن فایده‌لنیشینی ایسته‌یدی.
