بغلان محلی رسمیلری نینگ ایتیشلریچه، ولایت ملی امنیت ملازملری پلخمری ولایتینینگ خنجان تومنیدن ایکی قیزبالهنی اوغیرلشگه عیبلنگن گلبالدین ناملی شخصنی قولگه آلگن.
بوگون (چهارشنبه) بغلان حاکمی عبدالستار بارزنینگ خبری انجمن آلیب ایتیشیچه، مذکور شخص 12 و 9 یاشر ایکی قیزنی کابل خیرخانه منطقهسیدن اوغیرلهگن ایکن و مذکور قیزلرنی بغلان ولایتی خوستِ فرنگ تومنیگه آلیب باریب هر بیرینی 90 مینگ ساتیش نیتیده ایکن.
بغلان والیسیگه کوره، اوشبو شخص دینی سبق بیریش نیتیده اویلرده باریب، عایلهلر ایشانچینی قولگه کیلتیریشیدن سونگ بالهلرینی اوغیرلشگه حرکت قیلر ایکن.
بارزنینگ کوپهیتیریشیچه، مذکور شخص بوندن آلدین هم بدخشان و کاپیسا ولایتلریدن 5 قیزنی اوغیرلب ایکیتهسینی اوزنکاحیگه آلیب و باشقه 3 تهسینی پولگه ساتگن ایکن.
باشقه بیر تاماندن بیرینچی تیرگاوده بوشخص، قیزلر اوقووتوچیسی ایکنلیگیگه تن آلگن و بولرنی بغلان ولایتی خوست فرنگ تومنیگه آلیب باریب، عمه بچهلریگه ساتیش نیتیده بولگن بیرچاغده، قولگه آلینگن.
بغلان ولایتی کینگش رسمیلری حکومتدن بونقه آدملرنی عامه خلق حضوریده دارگه اورویلیشینی سوریدیلر.
