افغانستان ساغلیقنی سقلش وزیرلیگی نینگ ایتیشیچه، اوتگن 24 ساعت جریانیده مملکت ده کرونا ویروس دن باشقه 542 ینگی ایجابی واقعه رویخط گه آلینگن.
مذکور وزیرلیک تامانیدن بیریلگن رقم اساسیده، اوتگن 24 ساعت جریانیده رویخط گه آلینگن ینگی واقعهلر شامل مملکت ده کرونا ویروس گه چلینگنلرنینگ سانی 21 مینگ و 459 کیشی گه ییتیشگن.
ساغلیقنی سقلش وزیرلیگی نینگ ساغلیک خذمتلری بوییچه اورین باسری وحید مجروح نینگ ایتیشیچه، اوتگن بیر کیچه-کوندوز ده 8 کیشی کابل ده، 3 کیشی غزنی ده، 3 کیشی پکتیا ده و 1 کیشی بلخ ده کرونا ویروس باعث، جان بیرگن و بو رقملر شامل مملکت ده کرونا ویروس سبب جان بیرگنلرنینگ سانی 384 کیشی گه آشگن.
شونینگدیک، جناب مجروح نینگ کوپهیتیریشیچه، مملکت ده حاضرگهقدر 817 داکتر کرونا ویروس گه چلینگن و بو آره دن یالغیز 285 داکتر هرات ولایتیده بو ویروس گه چلینگن.
عین حالده، ساغلیقنی سقلش وزیرلیگی تامانیدن بیریلگن معلومات اساسیده، اوتگن 24 ساعت جریانیده کرونا ویروس کسللریدن 480 تهسی نینگ قیته ساغهیگنی معلوم قیلینگن و بو رقملر شامل مملکت ده حاضرگهقدر کرونا ویروس کسللریدن 2 مینگ و 651 کیشی قیته ساغهیگن.
