افغانستان ییر بوتونلیگی مستقل ادارهسینینگ مسووللری، قالین صنعتی شهرچهسی قوریلیش شرطنامهنی امضالشده ایتیشلریچه، قالین صنعتی شهرچهسی توقیزمینگ جریب ییرده تاسیس ایتیلهدی.
اوشبو صنعتی شهرچهده ییش اوی، قالین توقیش فابریکهلر، رواجلنتیریش و عامهوی خذمتلر بولیمی یشیل ساحه نظرده توتیلگن دیگن رسمیلر.
قالین صنعتی شهرچهسینی قوریش شرطنامهسی بوگون (دوشبنه) افغانستان جمهور رییسی محمد اشرفغنی، ییر بوتونلیگی ادارهسی نینگ مسووللری، شهر قوریش، تجارت و صناعت وزیرلیگی و قالین صادر قیلووچیلری بیرلشمهسی حضوریده قولگه قوییلدی.
شرطنامهگه قوییش پیتیده نطق سوزلهگن ییر بوتونلیگی مستقل ادارهسینینگ رییسی جواد پیکارگه کوره، قالین صنعتی شهرچهسی ایکی باسقیچده قوریلهدی.
مذکور شهرچه بیرینچی باسقیچده ننگرهار، بلخ و قندوز ولایتلریده 35000 جریب ییرده قوریلهدی.
جناب پیکارنینگ سوزلریگه قرهگنده، اوشبو شهرچه قوریلگندن کیین مملکت قالین توقوچیلری نینگ بیر قنچه مشکللری بر طرف ایتیلهدی.
شونینگدیک جناب پیکار، اوشبو شهرچه قوریلگندن کیین 180 دن 200 میلیونگچه دالر قالین صنعیتی بولیمیگه سرمایه یاتقیزیله دیگن.
افغانستان قالین صادر قیلووچیلر بیرلشمهسینینگ باشلیغی عصمت باتور، مملکتده 80% خایتن قالین توقیش بیلن بند بولیشیگه قرهمی، لیکن بولر اینگ آز امکانیتگه هم ایگه ایمسلر دیگن.
