.jpg)
جاری هفته یکونلنگونگهقدر، سیلاولر کمیسیونلری ینگی کمیشنرلرینینگ سونگی رویخطی جمهور رییسگه یوباریلهدی. تنلش کمیته اعضالریدن بیری یوسف رشیدنینگ ایتیشیچه، اولر سیلاولر ایرکین کمیسیونی اوچون 21 کیشیلیک رویخط تیارلگنلر و اولردن 7 کیشی سیلاولر کمیسیونلرینینگ ینگی کمیشنرلری قیلیب تعیین ایتیلیشی خصوصیده، جمهور رییسگه یوباریلگن.
جناب رشیدگه کوره، سیلاولر کمیسیونی اوچون 21 کمیشنر و سیلاولر شکایتلریگه تینگلش کمیسیونی اوچون باشقه 15 کیشینی تکلیف قیلهدیلر و بو جملهدن جمهورلیک ریاستی سیلاولر کمیسیونی اوچون 7 کیشی و سیلاولر شکایتلریگه تینگلش کمیسیونی اوچون 5 کیشی تنلهیدی.
تنلش کمیتهنینگ اوشبو اعضاسیگه کوره، سیلاولر کمیسیونلری اوچون اولر تامانیدن جمهور رییسگه تکلیف ایتیلگن برچه کمیشنرلر، ظرفیت اساسیده، حزبی و سیاسی علاقهلر نظرگه آلینمسدن تنلنگن.
تنلش کمیتهنینگ ایشی کوپینچه قرهمه قرشیلیکلر و نمایندهلر کینگشی تامانیدن ایکی تقنینی فرمان رد ایتیلگنیدن کیین باشلندی.
.jpg)
سیلاولر، تعیین ایتیلگن زمان (24- میزان)ده سیلاولر کمیسیونی تامانیدن یولگه قوییلیشی یا-ده قوییلمسلیگی خصوصیدهگی سوراققه جواب اجراییه ریاستی سوزلاوچیسی اورین باسری امید میثمنینگ ایتیشیچه، سیلاولر تعیین ایتیلگن زمانده یولگه قوییلمهیدی. او، سیلاولر تعیین ایتیلگن زمانده یولگه قوییلمس دلیلی توغریسیده هیچ نرسه دیمهیدی، بیراق اورغولشیچه، افغانستان حکومتی سیلاولرنی یولگه قوییب و ملی بیرلیک حکومت ایجاد ایتیلگن سیاسی کیلیشوو عملگه آشیریلیشی خصوصیده سعی و حرکت قیلهدی.
شونینگدیک، بوگون خبری بیر ییغین اوتکزگن افغانستان مدنی جماعهچیلیک اویغون ایش گروهی اعضالری، تنلش کمیتهدن سیلاولر کمیسیونلرینینگ اعضالری تنلهنیشده کوپراق دقت قیلیب و شرایطگه ماس کیشیلر تنلهنیشینی سورهگنلر.
مذکور گروه اعضاسی خلیل رؤوفینینگ ایتیشیچه، سیلاولر کمیسیونلرینینگ اعضالری تنلهنیشیده جنسی برابرلیک موضوعی نظرگه آلینیشی لازم.
میلادی 2014- ییل، مملکت جمهورلیک ریاستی سیلاوی قیینچیلیککه دوچ کیلگنی باعث، ملی بیرلیک حکومت رهبرلری محمداشرف غنی و عبدالله عبدالله، سیلاولر تیزیمیگه اصلاحات کیریتیلیشی اوستیگه کیلیشدیلر.
