صبغتالله مجددی رهبرلیک قیلهدیگن افغاسنتان نجات ملی جبههسی، حکومت بیلن حزب اسلامی اورتهسیده امضالنگن تینچلیک شرطنامهسینینگ ایکّی مادهسیگه مخالفت بیلدیردی.
بوگون (یکشنبه) کابلده خبری بیر انجمن اوتکزگن نجات ملی جبههسینینگ کاتبی ذبیحالله مجددی، حکمتیارنینگ حقالعبدی انیقلنمهگن بیر حالده، اونگه قضایی مصونیت و مخصوص امتیازلر نظرده توتیلگن لیگیگه قرشیلیک بیلدیرگن.
جناب مجددی، خلقنینگ قانیگه قولی بولغنگن شخصلرگه قضایی مصونیت بیریلیشی حکومتنینگ صلاحیتلریدن ایمس لیگی بارهسیده اورغولهگن.
افغانستان نجات ملی جبههسی توقیزینچی ماده اساسیده بو حزبگه امتیاز بیرلیگنلیگی بارهسیده منه بولرگه اشاره قیلگن «افغانستاندهگی جهادی حزبلرگه قرهگنده حزب اسلامینینگ هیچ قندهی اوستونلیگی یوق، افغانستان خلقینینگ جهادی دوریده همده جهاد موفقیتگه ایریشگن دن سونگ هم حزب اسلامی ییریک خطالرگه یول قویگن»
جناب مجددی، بوندن آلدین افغانستانلیک هیچ بیر جهاد رهبری حکومتدن بوندهی کته امتیاز سورهمهگن و حکومت هم هیچ بیر حزبگه بوندهی کته امتیاز انابتگه آلمهگن دیدی.
نجات ملی جبههسینینگ کاتبی، سیلاولرگه اصلاحات کیریتیش توغریسیدهگی سکیزینچی ماده هم آرتیق بولگنی باعث چیقاریلیشینی سورهگن. عین حالده، اونینچی، اون ایکّینچی، اون سکّیزینچی و اون توقیزینچی مادهلرگه هم بعضی اوزگریشلر کیریتلیشی لازم دیگن جناب مجددی.
تینچلیک شرطنامهسینینگ اونینچی مادهسیده حکمتیارنینگ حیات کیچیره دیگن اویی، اوینینگ بوتون خرجتی و اونینگ خوفسیزلیگی تامین بولیشی مسوولیتی حکومت ذمهسیگه یوکلنگن، اما افغانستان ملی نجات جبههسی مذکور ماده لازم ایمس دیب اوشبو شرطنامهنینگ اصولیگه ضد حسابلنهدی.
حکومت بیلن اسلامی حزب اورتهسیده تینچلیک مذاکره اوتکزیش اوچون نیچه آی آلیب باریلگن سعی وحرکتدن سونگ، آخیرگه کیلیب جاری ییل میزان آیی نینگ بیشینچیسیده بیتیمگه جمهور رییس و گلبدین آرقهلی قول قوییلدی.
حکومتنینگ بو تدبیری مملکتدهگی بعضی بیر سیاسی جریانلر آرقهلی خوش قرشیلنگن بولسه-ده اما، خلق همده بعضی سیاسی حرکتلر مسالهگه سلبی عکسالعمل بیلدیر دیلر.
