سیلاولر جریانینی کوزهتیوچی ادارهنینگ مسووللری، بروکسل ییغینیده اشتراک قیلیش اوچون حکومت بیرگن وعدهلریگه عمل قیلمهگن دیگنلر. شونینگدیک اهالی همده دنیا جماعهچیلیگی کوتگن درجهده حکومتنینگ سیلاولرگه اصلاحات کیرتیش اوچون هیچ قندهی موفقیتگه ایگه بولمه گنلیگینی بیلدیرگن اوشبو مسووللر.
اولر، سیلاولر تیزیمیگه اصلاحات کیریتیلیشی اوچون حکومت فقط نیچه مرته فرمان صادر قیلیب ملی مجلسگه یوبارگن و اولر هم مخصوص کمیسیونلر ایجاد قیلیش بیلن وقت اوتکزگنلر و خلاص دیدی بو ادارهسی رسمیسی. بو ادارهنینگ مسووللری، سیلاولر تیزیمیگه اصلاحات کیریتیلیشی توغریسیده حکومت هیچ قندهی بیر اساسی ایش قیلمهگن دیگنلر.
«اکسین» یا مدنی جماعهچیلیک ترماغینینگ اعضاسی جانداد سپینغرنینگ سلاموطندارگه معلوم قیلیشیچه، افغانستان حکومتی بروکسل ییغینیگه قدر بیرگن وعدهسیگه عمل قیله آلمهگن و دنیا یاردملرینی جلب قیلیشده هیچ قندهی یوتوغی بار ایمس دیگنلر.
جناب سپینغر، افغانستان حکومتینینگ قابلیتی، ایشی و بیرگن وعدهلریگه قنچهلیک موفق بولیشیگه قرهمسدن، بروکسل ییغینیده افغانستان خلقینینگ احتیاجی انابتگه آلگن حالده، اوز همکارلیگیگه دوام بیرهدی دیگن.
افغانستان عادلانه و آزاد سیلاولر بنیادی اعضاسی حسیب معترفنینگ سلاموطندارگه ایتیشیچه، افغانستان حکومتی بروکسل ییغینیگه قدر عمل قیله دیگن ایشلریگه کامیاب بولمهگن. شونینگدیک سیلاولر تیزیمیگه اصلاحات کیریتیش اوچون دنیا جماعهچلیگی همکارلیکنی جلب ایتیشده قندهی دیر دستآورلری بولمهگنی ایتیلهدی.
اما، ملی بیرلیک حکومتی مسووللری، حکومت بیرگن وعدهلرینینگ کته قسمینی عملی قیلیشگه موفق بولگن بیر پیتده بروکسل ییغینیده اشراک قیلماقده دیگنلر.
جمهور رییس سوزلاوچیسینینگ اورین باسری شاهحسین مرتضوی، سیلاولر قانونی تصدیقلنیب ایشگه باشلهگن لیگینی سیلاولر تیمیزگه اصلاحات کیرتیش حکومت اوچون ییریک یوتوق بولگن لیگینی بیلدیرگن. اونگه کوره، سیلاولر کمیسیون اعضالری تیزآره ده ینگی تشکلاتی بیلن ایشگه باشلهیدی. نماینده لر مجلسی همده تومنلر کینگشی سیلاولری اوتکزیلیشی نینگ زمانی تیز آره ده کمیسیون تامانیدن معلوم ایتیله دیگن جناب مرتضوی.
سیلاولر تیزیمیگه اصلاحات کیریتیش، مملکت اقتصادی وضعیتی یخشیلهنیشی، اداری فسادگه قرشی کورهش، یخشی حکومتچیلیک، خاتین – قیزلر و بالهلر حقوقی حمایت ایتیلیشی کبی موضوع ملی بیرلیک حکومتی نینگ اکتوبر آیینینگ 4-5 کونلریده بروکسل ییغینگه تکلیف قیلهدیگن مسالهلری حسابلنهدی.
