تیکا، یا تورکیه نینگ افغانستانده‌گی ترقیات اداره‌سی آلدینگی یاردملری یانیده، ییتکرمه (رسانه‌لر) ده فعالیت قیله‌دیگن قطار یاشلرگه تیل اورگه‌نیش اوچون همکارلیک قیلیش‌نی باشله‌گن ایدی.
تیکا اداره‌سی باشلیغی سلیمان شاهین‌نینگ معلوماتیگه کوره، طالب‌لر تیزیمی آغدیریلگن‌دن حاضرگه قدر افغانستان بیلن تورکیه دولتی همکارلیک‌لری سابقه‌سی بولمه‌گن روش‌ده یخشی لنگن.
تورکیه دولتی‌نینگ افغانستانده‌گی نا دولت تشکیلاتی ایریم بولیم‌لرده اوز یاردملرینی دوام بیریب کیلماقده. جناب شاهین، برچه انسان پرورلیک یاردملر یانیده بومرته یاشلر بیلیمی و قابلیتی‌نی آشیریش نیتی‌ده، تورکچه اورگه‌تیش اوچون تیکا تشبثی بیلن کابل‌ده‌گی ایریم معین اداره‌لر جمله‌دن سلام‌افغانستان رسانه‌یی موسسه‌سی‌ده شخصی اوقیتوچی بیرگن.
100 ساعت‌لیک درسی پروگرامنی اوز ایچیگه آلگن لایحه‌نینگ بیرینچی باسقیچی آلتی آیدن سونگ اوز پایانی‌گه ییتگن.
تورکچه اورگه‌نیش دستوری‌نینگ بیرینچی باسقیچی تمام بولیشی بیلن تیکا اداره‌سی ییریک بیر ییغین اوتکزیب، تورکچه کورسینی بیتیرگن رسانه‌چی یاش – ییگیت‌لرگه فراغت حجتی بیردی.
جناب شاهین‌نینگ بیلدیریشیچه، تیکا تشکیلاتی آلتی آی آلدین یاش-ییگیت‌لرگه تورکچه اورگه‌تیش نیتی بیلن بو لایحه‌نی باشله‌گن. حاضرگه قدر اونلب یاش-ییگیت تورکچه اورگه‌نیش برنامه‌سیگه شامل بولگنلر.
عین حالده، تیکا نا دولت تشکیلاتی، رسانه‌چیلرگه میدیا ساحه‌سیده ینگی‌دن ایش آلینه‌دیگن زمانوی تخنیک اوسکونلرنی اورگه‌نیش نیت‌ده بو بولیمده فعالیت قیله‌دیگن قطار یاش-ییگیت‌لرنی تورکیه یوباریش ریجه‌سینی هم نظرده توتگن‌لیگی ایتیلماقده.
