.jpg)
11.5 میلیون بهاسیده بولگن تورت کیلیشوو مملکت معارف وزیرلیگی بیلن افغانستان اوچون نارو کمیتهسی اورتهسیده امضالندی.
افغانستان معارف وزیری اسدالله حنیف بلخی بوگون (سهشنبه) کابلده اوشبو شرطنامهگه قول قویگن پیتده ایتیشیچه، یوقاریده ایسلهتیگن اوشبو اوچ اداره همکارلیگی بیلن اوقوچیلر همده اوقیتوچیلرگه یخشی خذمت ارایه ایتیلیشی اوچون عملگه آشیریلهدی.
جناب بلخیگه کوره، مذکور شرطنامهنینگ مبلغی یاردم بیروچی مملکتلر تامانیدن تولهنیلهدی. شونینگدیک بو لایحه عملی بولیشی بیلن مملکتده معارف تیزیمی یخشی لهنیشی اوچون کته کومک قیلهدی دیدی معارف وزیری جناب بلخی.
پاملرنه همده معارف وزیرلیگی اورتهسیده امضالنگن ایکّی شرطنامه اساسیده اوشبو 7 میلیون اقش دالری حسابیده پروان، کاپیسا، خوست و پکتیا ولایتلرینینگ اوزاق منطقه لریده 8 مینگ 965 اوقوچی اوچون 314 درس صنفی قوریلهدی. اوشبو لایحه 2ییل و 5 ییلده تطبیق ایتیلیشی نظرده توتیلگن.
.jpg)
غزنی، بدخشان و فاریاب ولایتلری نینگ 2 مینگدن آرتیق اوقوچیسی اوچون 250 لابرتوار همده اوقو قوراللی یرهتیب بیریلهدی.
اوشبو لایحهگه صرفلنه دیگن 3 میلیون دالر افغانستان اوچون ناروی کمیتهسی تامانیدن توله نیلهدی.
انه شو کبی ضرورتمند ناملی اداره، ننگرهار و هرات ولایتلریده 280 سواد اورگهتیش کورس تاسیس قیلیب 5600 کیشیگه سواد اورگهنیش اوچون امکانیت یرهتهدی. اوشبو تعلیمی پروژه اوچون 386 مینگ امریکا دالری انابتگه آلینگن.
