.jpg)
بغلان ولایتیده گلبدین حکمتیار رهبرلیگیدهگی اسلامی حزب کوچلری نظارتیدهگی بیر قماقخانه و ایکی کان دولتی کوچلر نظارتیگه اوتدی. امنیتی رسمیلرگه کوره، اسلامی حزب قومندانلریدن بیری قاری میرویس، عشر و زکات بیرمهگن کیشیلرنی اوشبو قماقخانهده حبسگه تشلهیدی ایکن.
بغلان ولایتی 209 شاهین قول اردو ایکینچی کندک قومندانی ضیاءالدیننینگ ایتیشیچه، قاری میرویس، نیچه ییلدن بویان، حکومتگه قرشی فعالیت قیلر ایکن. اوشبو امنیتی ملازمگه کوره، اوتگن کیچه اوشبو ولایتده یولگه قوییلگن «نوید 11» عملیاتی نتیجهسیده، 16 ییلدن بویان طالبلرنینگ نظارتیدهگی منطقه «رفکِکرکر» امنیتی کوچلر نظارتیگه اوتگن.
قومندان ضیاءالدیننینگ ایتیشیچه، امنیتی کوچلر بیلن قاری میرویس جنگریلری اورتهسیده یوزبیرگن توقنهشووده، جنگریلردن 2 کیشی هلاک ایتیلیب، 5 تهسی یرهلنتیریلیب و باشقه 5 تهسی قولگه آلینگن.
.jpg)
بغلان ولایتیده اسلامی حزب و طالب جنگریلرینینگ فعالیتلری توغریسیده نطق سوزلهگن ولایت حاکمی عبدالستار بارزنینگ ایتیشیچه، حاضر امنیتی کوچلر، قوراللی جنگریلرنی نابود ایتیشگه قادر بولگنلر. بغلان حاکمینینگ ایتیشیچه، اوشبو ولایت طالبلردن تازهلنگونگهقدر، «نوید 11» عملیاتی دوام ایتهدی. جناب بارز، بغلان ولایتینی شمالی 9 ولایتنینگ ایشیگی دیب کوپهیتیریشیچه، طالبلر بو موضوعنی نظرگه آلیب باشقه ولایتلرگه نسبَتن بغلانگه دقت قیلهدیلر.
شونینگدیک، بغلان امنیه قومندانلیگی خوفسیزلیک آمری امیرگل حسینخیلنینگ سلاموطندارگه ایتیشیچه، دودکش و آهندره تاش کومیر کانلری اوتگن تورت آیده اسلامی حزب جنگریلرینینگ اختیاریده ایکن و «نوید 11» عملیاتی نتیجهسیده، اوشبو گروه نظارتیدن چیقاریلگن. امنیتی رسمیلرگه کوره، مذکور گروهنینگ یوزلرچه تُن بوغدایی، برنجی، باشقه مادهلری و کوپینچه نفتی مادهسی، امنیتی کوچلرنینگ قولیگه توشگن.
امنیتی کوچلر و گلبدین حکمتیار رهبرلیگیدهگی اسلامی حزب جنگریلری اورتهسیدهگی توقنهشوو، افغانستان حکومتی بیلن تینچلیک سوزلشوولرینی آلغه آلیب باریش خصوصیده، مذکور حزبنینگ تورتینچی هیأتی کابل کیلیشگه قصد قیلگن بیرچاغده یوز بیرگن. گلبدین حکمتیار، کابلده قدرتنی قولگه آلیش اوچون 40 بیل باغلب حکومتگه قرشی قورال کوتردی. او، اوتگن 15 ییلده، طالبان تیزیمی اینگیلگنیدن کیین، تشقی کوچلرنی بوتونلهی چیقاریب و اوز ایستهگی بیلن اسلامی حکومت قوریش اوچون اوروشدی. بیراق حاضر ایریم ایستکلر اساسیده، افغانستان حکومتی بیلن مذاکره اوتکزیشگه تیارگرلیک کورستگن.
