لوگر ولایتی بره‌کی برک تومنی‌نینگ محلی یوقاری مرتبه‌لی رسمیلری شنبه‌دن یک‌شنبه‌گه اوترکیچه‌سی ساعت 12 ده یوزلب طالب تومن‌نینگ امنیتی پوسته‌لریگه هجوم قیلگن دیگن‌لر.
بره‌کی برک تومنی‌نینگ حاکمی محمد رحیم امین‌نینگ سلام‌وطندار ترماغی‌گه ایتیشیچه، دولت قوراللی مخالف‌لری‌نینگ هجومی ملی کوچلر طرفیدن آرتگه اوریلیب، منطقه‌ده تازه‌لش عملیات باشلنگن.
جناب امین، هجوم نتیجه‌سیده جنگری طالب‌لرنینگ 11ته‌سی نابو ایتیلگن دیدی. شونینگ‌دیک امین، آتیشمه‌ده پولیس نینگ 3 حربی‌سی تن جراحتی آلگن لیگینی انکار ایتمه‌گن. کیچه یوز بیرگن قوراللی توقنشوو عاقبتی‌ده یرهلنگن 11 کیشی‌نینگ کیملیگی هنوز انیقلنمه‌گن.
خروار، بره‌کی برک و سیدآباد تومن‌لریدن ییغیلگن جنگریلر، بره‌کی برک امنیتی پوسته‌لرینی تصروف قیلیش‌گه اولگورگن‌ده پلانی بیکار ایتیلگن.
لوگر ولایت والیسی‌نینگ سوزلاوچی‌سی سلیم صالح‌نینگ سوزلریگه قره‌گنده، ولایت مرکزیده اوشبو تومن‌گه یاردمچی حربی‌لر یوباریلگن.
قوراللی طالب‌لرنینگ سوزلاوچی‌سی بولمیش ذبیح‌الله مجاهد عاموی اخبارات واسطه‌لریگه چلتن ومنجنی منطقه‌لری قوراللی طالب‌لر تامانیدن تصروف ایتیلگن‌لیگینی ادعا قیلگن. شونینگ‌دیک مجاهد، اوروش‌ده افغان ملی کوچلریگه آغیر تلفات ییتکزیلگن لیگینی ادعا قیلگن. لیکن، لوگر ولایتی‌نینگ محلی رسمیلری مجاهدنینگ بو قبیل سوزلرینی کیسکین رد قیلگن‌لر.
