غور ولایتینینگ محلی بلند مرتبهلی مسووللری، طالبلر و داعش جنگریسیگه باغلیق عصیانچیلر اورتهسیده آتیشمه یوز بیرگن لیگی بارهسیده خبر بیرگنلر.
غور ولایت والیسینینگ سوزلاوچیسی عبدالحی خطیبی، داعش جنگریلری همده قوراللی طالبلر اورتهسیده روی بیرگن توقنشو اوتگن هفتهدن هنوزگچه دوامی بارلیگینی بیلدیرگن. اونگه کوره، اوروش غور ولایت مرکزی فیروز کوه شهرینینگ رغسکن قیشلاغی و چهارسده تتومنی نینگ کورگین قیشلاغیده جریانی بار.
جناب خطیبیگه کوره، آتیشمه ده داعش نینگ تورت اعضاسی و طالبلرنینگ ایسه بیش جنگریسی نابود بولگن. شونینگدیک ایکی تاماندن 10 نفر تن جراحتی آلگن. غور ولایت والیسینینگ سوزلاوچیسی توقنشو حاضر پایانیگه ییتگنیگه قرهمی، ایکی تامان هم اوروش ده شَهی تورگنلر دیدی.
خطیبی، کورگینده جنگری طالبلرنی بو حرکتنینگ رهبری ملاهبتالله قوماندانلریدن بولمیش ملااحمدشاه ییتکچیلیک قیلهدی و رغسکن قیشلاغیدهگی داعش جنگریلری ملاشاهولی ناملی قوماندان طرفیدن رهبرلیک بولهدی دیدی.
ولایت والیسینینگ سوزلاوچیسی، قوراللی طالبلر و داعش اورتهسیدهگی اوروش ملاشاهولی نینگ آتهسی احمدمرغابی طالبلر تامانیدن اولدیریلگن بیر چاغده روی بیرگن.
عین حالده، جناب خطیبینینگ سوزلریگه قرهگنده، اوروش یوز بیرگن منطقه دولت ادارهسیده ایمس و حاضر ایسه محلی بلند مرتبهلی رسمیلری قوم بویوکلری همکارلیگی بیلن خلق نینگ بوگروه گه بولگن علاقهسینی سُست لشتیریشگه حرکت قیلگنلر. قوراللی طالبلر همده داعش جنگریلری هنوز گچه بو حقده بیرار نرسه دیمهگن.
