شمالی آتلانیک تشکیلاتی (ناتو)گه اعضا مملکتلر رهبرلرینینگ ییغینی بوندن ایکّی کون آلدین پولندنینگ وارسا شهریده باشلهنیب، بوگون اوز پایانیگه ییتدی.
ناتونینگ باش کاتبی ینس استولتنبرگ اوشبو ییغینده افغانستان ملی کوچلریگه 5 میلیارد کومک بیریلیشیدن خبر بیرگن. شونینگدیک او، ناتوگه اعضا مملکتلر بوتون اتفاقداشلری ییر بوتونلیگینی سقلش و مدافعه قیلیشگه تیار ایکن لیگی اوستیده تاکید ایتگن.
جناب استولتنبرگنینگ ایتیشیچه: « ناتوگه اعضا مملکتلر 2016- ییلدن کیین افغانستانده ماموریتلریگه دوام بیریشی حقیده کیلیشگنلر»
ناتونینگ باش کاتبی، حاضرگی کونده افغانستان ملی کوچلری مملکت بویلب امنیتنی تامین قیلیش مسوولیتینی اوز ذمهسیگه آلگن و بو کوچلر افغانستان خلقینی مدافعه قیلیشگه متعهد دیگن.
اونینگ سوزلریگه کوره، افغانستان حکومتیگه مالی، حربی و سیاسی همکارلیکلر 2020- ییلگه قدر دوام ایتهدی شو کبی خلق ارا کوچلری، افغان حربیلرینی اورگهتیش، مصلحت بیریش و حربی کوچلرگه همکارلیک قیلیش بولیملریگه یاردمی دوام ایتیشی کوتیلهدی.
عین حالده، ناتونینگ باش کاتبی، افغانستاننی تورلی ساحهلرگه قولگه کیریتگن یوتوقلری اوچون ملی بیرلیک حکومتی نینگ رهبرلریدن انسان حق حقوقلری، فسادگه قرشی کورهش، سیلاولرگه اصلاحات کیریتیش و یرهش تامین ایتیلیشی اوچون آلدیندن کوره کوپراق سعی وحرکت قیلیشلرینی سورهگن.
ناتونینگ باش کاتبی، بو تشکلات افغانستاننی حمایت قیلیشی معین دیب، ترورچیلیککه قرشی کورهش ده افغانستان یالغوز قالمیدی دیگن. ییغین سونگیده او، آلمان، ایتالیا، ترکیه و ناتونینگ بوتون اتفاقداشلریدن مذکور تشکیلاتگه همکارلیک قیلیشلری اوچون اوز منتدارلیگینی بیلدیرگن.
