شوپیت‌ده قندوز یشاوچی‌لری ارا ولایت طالبلر قولی‌گه سقوط قیلیش شایعه سی کوپه‌یب خواطرلر یره‌ت بارماقده دیرکه قندوز رسمی‌لری مذکور ولایت باشقه طالبلر تصرفیگه اوتمس‌لیگی‌دن ایشانچ بیره‌دی.
قندوز والیسی اسدالله عمرخیل‌نینگ ایتیشیچه، ولایتنی قیته طالبلر تصرفیگه اوتیش شایعه سی، اهالی روحیه‌سی ضعیف بولیش نیتیده مذکور گروه تامانیدن ترقه‌تیلگن.
او بوگون (دوشنبه) قندوزده بیر خبری انجمن آلیب، اردو و ناتو کوچلری نینگ بیرگه‌لیک هوایی هجوم‌لری نتیجه‌سیده، طالبلر ضعیف شلیب قالگن و بوندن کیین قندوزنی سقوط بیریش آرزوسینی گورلریگه آلیب کیته‌دیلر دیدی.
جناب عمرخیل‌نینگ کوپه‌یتریشیچه، هییت‌دن کیین ولایت قیشلاق‌لریده پاکلش عملیات یولگه قویله‌دی.
اما مذکور اولتیریشده قندوز خلقی‌نینگ کینگشدهگی نماینده‌سی فاطمه عزیزنینگ قتنشیب ایتیشیچه، اهالی دولت رسمی‌لری نینگ ولایت مرکزی و تومنلریده پاکلش عملیات باشله‌نیشی باره‌سیده کلیشه‌یی جواب‌لریدن خسته بولگنلر.
خانم عزیز، قندوزده ناتینچ‌لیکلر کوپه‌یشیدن خواطر بیلدیریب، مملکت امنیتی رسمی‌لریدن قندوزنی جنگری طالب‌لردن قوتقریش اوچون تیزلیک‌ده پاکلش عملیات اوتکزیشلرینی ایسته‌یدی.
شو بیلن بیرگه، قندوز والیسی هییت کونلریده ولایت مرکزی و تومنلری نینگ امنیتی تأمین ایتیش خصوصی‌ده ایشانچ بیره‌دی و ایتیشیچه، هییت کونلریده مسؤول‌سیز کیشیلرنی شهرده قورال آلیب کیلیشی، حجت‌سیز موترلر اوتیش قیتیشی و شهرنظمی‌گه خلل کیلتیره‌دیگنلرگه اجازه بیریلمی‌دی.
شونینگ‌دیک قندوز پولیس باشلیغی جنرال محمدقسیم جنگل باغ نینگ هم مذکور اولتیریشده ایتیشیچه، هییت کیچه کونلریده، خوش‌لیک اوقی آتگن حالده، اولر بیلن جدی برخورد بوله‌دی.
