اوتگن کون (شنبه) هرات ولایتی اوبهء تومنی‌نینگ ایکّی نفر اهالیسی روزه‌سینی بوزگن‌لیک عیبی بیلن جنگریلر طرفیدن نشانگه آلینیب یره دار ایتیلگن‌دن سونگ، اهالی یغاچ، تاش و کیسک بیلن قوراللی طالب‌لر اوستی‌گه هجوم قیلیب 8 ته‌سینی یره دار ایتگن ایدیلر. سونگ جنگری طالب‌لر خلق‌نی اوققه توتیب آلتی کیشی تینچ اهالینی جراحت لنتیرگن.
هرات ولایتی اوبهء تومنی‌نینگ پولیس قوماندانی شیرآغا الکوزی سلام‌وطندارگه بیرگن صحبتی‌ده ایتیشچیه، حادثه اوتگن کون کیچ‌ده اوبه تومنی مرکزیدن 50 کیلومتر اوزاقلیک‌ده جایلیشگن نی‌یک منطقه‌سیده یوز بیرگن.
مملکت غربیده جایلشگن هرات پولیس قوماندانلیگی‌نینگ سوزلاوچی‌سی عبدالرووف احمدی، روزه‌سینی بوزگن‌لیک اوستی‌ده اهالی بیلن قوراللی طالب‌لر اورتهسیده یوز بیرگن توقنشوونی تصدیقلب، پولیس بو توغریده تیرگاو باشله‌گن دیدی.
بوندن نیچه کون آلدین کابل نینگ شاه دوشمشیره مسجدی قرشیسی‌ده بیر کیشی زوره‌سینی بوزگن‌لیک عیبی بیلن بیر قطار غضب‌لگن شخص‌لر تامانیدن کلتکلنگن‌دن کیین شفاخانه‌گه ییتکزیلگن ایدی.
