ملارسول رهبرلیگیدهگی طالبان حرکتی پاکستان افغانستان دشمنی دیب، بو مملکت هیچ بیر زمان افغانستانده امنیت تامین بولیشینی ایستهمیدی. بو حرکتنینگ اونلب اعضاسی بوگون (شنبه) هلمند ولایتی لشکرگه شهرینینگ یقینده جایلشگن تریخ ناور منطقهسیده توپلهنیب، بو ولایتده حربی فعالیتلر کینگیتیریلیشی اوستیده تاکید قیلگنلر. بو ییغیننی رهبرلیک قیلگن مذکور حرکتنینگ قوماندانلریدن ملاغنینینگ ایتیشیچه، پاکستان کونده افغانستانده اوروش تیزلشتیریشگه حرکت قیلهدی. اونگه کوره، کابلده هر قندهی بیر دولت وجودگه کیلسه هم پاکستان بونگه مخالفت قیلهدی.
او، افغانستاندن خارجی کوچلر چیقمه گونگه قدر اوروشگه دوام بیریشی خصوصیده تاکیدلهگن. او، رهبرلری افغانستان حکومتی بیلن یرهشگن تقدیرده حمایت قیلیشینی بیلدیرگن. اما، بو قوماندان هیچ بیر زمان پاکستان، ایران و بریتانیا قربانی بولمسلیگی خصوصیده علیحده تاکید قیلگن. بو حرکتنینگ حربی قوماندانی سیلاب، حاضرگی نفرلری دیورند چیزیغیده پاکستان حربی لری بیلن اوروشده ایکن لیگینی ایتگن. طالبلرنینگ سابق رهبری ملا عمر وفات ایتگندن مذکور حرکت نیچه گروه و نیچه رهبر اورتهسیده بولیندی.
