بلژیک‌نینگ بروکسل شهری بوگون و ایرته‌گه ناتو تشقی ایش‌لری وزیریگه میزبانلیک قیله‌دی. ییغینده اساسن کیله‌جک‌د‌ه ناتو و دنیا جماعه‌چلیگی‌نینگ افغانستان حکومتی‌گه کورسته‌جک کومک‌لر محاکمه ایتیله‌دی. اوشبو چهار چوبه ده میلادی 2017- ییل‌دن سونگ افغان حربی کوچلریگه دنیا هم‌جمعیتی‌نینگ کومک‌لری قنده‌ی‌لیگی حربی قوشین‌لرگه مصلحت بیریش کبی موضوع‌لر اوستیده بحث آلیب باریله‌دی.
مملکت تشقی ایش‌لر وزیرلیگی سوزلاوچی‌سی‌نینگ اورین باسری خیرالله آزاد، مذکور ییغینده میلادی 2017- ییل‌دن کیین افغانستان بیلن دنیا جماعه‌چلیگی نینگ علاقه‌سی باره‌سیده‌گی تقدیر یاروتیله‌دی دیگن. جناب آزاد، افغانستان خوفسیزلیک وضعیتی و میلادی 2020- ییل‌گه قدر ناتو همده باشقه دولت‌لر کومک‌لرینی جلب ایتیش ییغین‌نینگ باشقه بیر بحثی بولیشی‌نی ایتگن. وزیرلیک سوزلاوچی‌سی‌نینگ اورین باسری، اوشبو ییغین وارسا خلق ارا کنفرانسی اوچون پیش زمینه بولگن لیگی‌نی تیل‌گه آلگن.
وارسا خلق ارا ییغینی ایکّی آیدن سونگ اوتکزیله‌دی.
تشقی ایش‌لر زویرلیگی سوزلاوچی‌سی‌نینگ اورین باسری، بروکسل ییغینده افغانستان امنیتی کوچلری‌نینگ یوتوقلری ینه معمالری تیکشیریله‌دی دیگن. سوزلاوچی، بو ییغین افغانستان حکومتی گه دنیا همجمیتی ینه مالی یاردم کورسته دیگن دولت‌لر همکارلیگی‌نی جلب قیلیش اوچون اساسی موقع بولگن‌لیگی اوستیده تاکیدله‌گن.
جناب آزادگه کوره، افغانستان تشقی ایش‌لر وزیرلیگی ییغینده دنیا جماعه چیلیگی‌گه هرتامانلمه گزارش بیریش اوچون امیداوار.
بیر قنچه سیاسی تحلیلچی‌لر، افغانستان حکومتی‌نینگ سیاسی دیپلوماسی‌سی بولگن‌ده – ایدی؛ دنیا جماعه‌چیلیگی‌نینگ یاردملرینی جلب قیلیش‌ده قوشمه بیر اجماع‌گه ایگه بولردی دیگن‌لر. لیکن، حاضرگی کونده مملکت سیاسی تیزیمی‌ده فعال دیپلوماسی بولمه‌گن لیگی، بو ییغین افغانستان تقدیری اوچون اونچه‌لیک ثمره بیریشینی هم کوتمسلیک درکار.
بو توغریده سلام‌وطندارگه گپیرگن خلق ارا تحلیلچی لطیف نظری، بروکسل ییغینده دنیا، منطقه اینیقسه افغانستان کبی اوروش جریانی بولگن مملکت‌لرده‌گی حادثه‌لر هر تامانلمه تیکشیریله‌دی. جناب نظری، بو قبیل ییغین‌لر افغانستان ایچکی ایشلریگه اره‌له‌شه دیگن مملکت‌لر اوچون هم ایجابی تاثیر قالدیریشی هم امکان دن اوزاق ایمس دیگن.
جناب نظری، مملکت سطحی‌ده بیر نظرده بولمسلیک، اداری فسادگه قرشی کوره‌شیش اوچون حکومت ضعیف‌لیگی بونده‌ی ییریک ییغین‌لرده افغانستان اساسی رول اوینه آلمس‌لیگی اوچون سبب بولگن دیدی.
بروکسل‌گه بارگن سلام وطندارنینگ خبرچیسی، بوگون ییغینده کوپراق اوکراین و گرجستان مساله‌سی محاکمه بولگن‌لیگینی ایتگن. او، ایرته‌گه افغانستان موضوعی اوستیده بحث آلیب باریلیشی کوتیله‌دی دیگن. سلام‌وطندار خبرچی‌سی‌گه کوره، ایرته اوتکزیلیشی ریجه لنتیریلگن ییغینده خلق ارا کوچلری‌نینگ افغانستان‌ده قالیشی یا – ده بو حربی لرنینگ آلیب چیقیش موضوعی مصلحت‌گه آلینه‌دی.
بوندن آلدین ترقه‌تیلگن ناتونینگ بیاناتیده، اوشبو ییغین افغانستان حربی کوچلری مالی دستکله‌نیشی، اوزاق مدتگچه سیاسی همکارلیک‌لر دوام تارتیشی و افغانستان حکومتی‌گه بولگن عملی همکارلیک لایحه‌سی ایشلب چیقاریلیشی بیلدیریلگن ایدی. شونینگ‌دیک ییغینده افغانستان ملی بیرلیک حکومتی‌نینگ بیر ییل‌لیک فعالیت‌لری ینه دنیا جماعه چلیگی نینگ یاردم لری قیسی معیارلرده دوام تارتیشی هم مراسه گه آلینه‌دی.
جمهور رییس‌غنی ایکّی آیدن سونگ اوتکزیلیشی ریجه لنتیریشگن وارسا خلق ارا ییغنی‌ده اشتراک قیلیشی کوتیله‌دی. بروکسل ییغینی‌نینگ نتیجه‌سی بولمیش اوشبو مجلس‌ده هم دنیا هم‌جمعیتی‌نینگ افغانستان دولتی‌گه کورسته دیگن یاردم‌لری دوام تارتیشی اوچون سعی وحرکت آلیب باریله‌دی.
